وزیراعظم کا سپر ٹیکس کا اعلان پاکستان سٹاک مارکیٹ کریش کر گئی

شدید مندی کے رحجان میں اس وقت بھونچال آ گیا جب وزیراعظم شہبازشریف نے بڑی صنتعوں پر سپر ٹیکس کا اعلان کیا اور سٹاک مارکیٹ کریش کر گئی۔

وزیراعظم شہبازشریف نے جیسے ہی بڑی صنعتوں پر سپر ٹیکس کا اعلان کیا اگلے ہی چند لمحوں میں پاکستان اسٹاک ایکسچینج کریش کر گئی

تفصیلات کے مطابق پاکستان اسٹاک ایکسچینج میں کاروباری ہفتے کے آخری روز شدید مندی کا رحجان ریکارڈ کیا گیا۔ اس شدید مندی کے رحجان میں اس وقت بھونچال آ گیا جب وزیراعظم شہبازشریف نے بڑی صنتعوں پر سپر ٹیکس کا اعلان کیا اور سٹاک مارکیٹ کریش کر گئی۔

ہنڈرانڈیکس چند ہی منٹوں میں 2055 پوائنٹس گر گیا جس کے بعد سٹاک مارکیٹ کریش کرگئی اور 100 انڈیکس 40 ہزار پوائنٹس کی نفسیاتی حد سے بھی نیچے چلا گیا۔

اسٹاک ایکسچینج 4.8 فیصد گری تاہم اسٹاک ایکسچینج مارکیٹ میں 40 ہزار661 پوائنٹس پر کاروبار جاری تھا تاہم اچانک سپر ٹیکس کا اعلان کر دیا گیا جس کے بعد صورتحال بگڑتی چلی گئی جس کے بعد پاکستان اسٹاک مارکیٹ میں کاروبار معطل کر دیا گیا۔

اس حوالے سے ماہر معاشیات مزمل اسلم نے سماجی رابطے کی ویب سائٹ ٹوئٹر پر اپنے ٹوئٹ میں کہا کہ وزیراعظم کے اعلانات نے مارکیٹ اور معیشت کو  2 ہزاروالٹ کا جھٹکا دے دیا۔

مارکیٹ اور معیشت کو 2000 volt کا جھٹکا۰ عوام کو ریلیف دینے کے اعلان کے بعد

— Muzzammil Aslam (@MuzzammilAslam3) June 24, 2022

اس ٹوئٹ کے بعد ایک اور ٹوئٹ میں مزمل اسلم نے قوم کو 1990 والے پاکستان کی مبارکباد دی۔

قوم کو 1990 والا پاکستان مبارک ہو۰

— Muzzammil Aslam (@MuzzammilAslam3) June 24, 2022

ماہر معاشیات مزمل اسلم کے بعد فواد چودھری اور حماد اظہر نے بھی سماجی رابطے کی ویب سائیٹ ٹوئیٹر پر ٹوئٹ کرتے ہوئے موجودہ حکومت کے سبر ٹیکس پر بہت تنقید کی۔

Super Tax will end up further squeezing the formal sector of the economy. This means Taxing the already taxed even more. The economy is nosediving and such a measure at this time will reverse the industrialisation momentum that PTI generated.

— Hammad Azhar (@Hammad_Azhar) June 24, 2022

خیال رہے وزیراعظم شہباز شریف نے معاشی ٹیم کے ساتھ اجلاس کے بعد قوم سے خطاب میں بڑی صنعتوں پر سپر ٹیکس لگانے کا اعلان کیا جس کے بعد سٹاک مارکیٹ کریش کرگئاور کاروباری امور بند کر دئیے گئے۔

وزیراعظم نے کہا کہ غربت کم کرنے کے نام پر اسٹیل، سیمنٹ، شوگر، آئل اینڈ گیس سیکٹر، فرٹیلائزر، ٹیکسٹائل، انرجی اینڈ ٹرمینل اور بینکنگ سیکٹر پر دس فیصد ٹیکس لگا رہے ہیں۔ حکومت کو سخت فیصلے لینے پڑے ہیں مگر انہی کی وجہ سے پاکستان دیوالیہ پن کے دھانے سے نکلے گا۔