تحریک انصاف نے حالیہ نیب ترامیم کو سپریم کورٹ میں چیلنج کرنے کا فیصلہ کر لیا۔

پاکستان تحریک انصاف نے موجودہ حکومت کے نیب قوانین میں ترمیم کو سپریم کورٹ میں چیلنج کرنے کا فیصلہ کر لیا

 تحریک انصاف نے حالیہ نیب ترامیم کو سپریم کورٹ میں چیلنج کرنے کا فیصلہ کر لیا۔

پاکستان تحریک انصاف کے سینئیر رہنماؤں نے رابطہ کرنے پر اس حوالے سے تصدیق کی کہ نیب کی حالیہ ترامیم کو سپریم کورٹ میں چیلنج کرنے کا فیصلہ کیا گیا ہے

تفصیلات کے مطابق پاکستان تحریک انصاف نے موجودہ حکومت کے نیب قوانین میں ترمیم کو سپریم کورٹ میں چیلنج کرنے کا فیصلہ کر لیا ہے اور اس ھوالے سے مشہور وکیل خواجہ حارث کی خدمات حاصل کر لی گئی ہیں۔

پی ٹی آئی کے سینئر رہنماؤں نے رابطہ کرنے پر تصدیق کی ہے کہ خواجہ حارث آئین کے آرٹیکل 184 (3) کے تحت آئینی درخواست دائر کریں گے۔

اس حوالے سے ہم اپنے ناظرین کو آگاہ کرتے چلیں کہ خواجہ حارث گزشتہ دو دہائیوں سے شریف خاندان کی جانب سے عدالتوں میں پیش ہو رہے ہیں۔ خواجہ حارث سے پہلے ان کے والد خواجہ سلطان 2000 میں طیارہ ہائی جیکنگ کیس میں نواز شریف کے وکیل تھے اور خواجہ حارث نے طیارہ ہائی جیکنگ کیس میں اپنے والد کی معاونت کی تھی۔

2008 میں شریف خاندان کی پاکستان واپسی کے بعد خواجہ حارث ان کے وکیل بنے اور 9 سال بعد خواجہ حارث نواز شریف کی جانب سے طیارہ ہائی جیکنگ کیس میں ان کی سزا کو چیلنج کرنے کے لیے وکیل مقرر ہوئے اس کے ساتھ ساتھ اتنا ہی نہیں خواجہ حارث ایون فیلڈ ریفرنس کیس میں بھی نواز شریف کے وکیل رہے ہیں۔