بابر سمیت پاکستان کی بیٹنگ فلاپ، سری لنکا نے چھٹی مرتبہ ایشیا کپ کا ٹائٹل جیت لیا

ایشیا کپ ٹی 20 کے فائنل میں سری لنکا کے 171 رنز ہدف کے تعاقب میں پاکستان کی بیٹنگ بری طرح فلاپ ہوگئی

قومی ٹیم کی جانب سے 171 رنز ہدف کے تعاقب میں کپتان بابر اعظم اور محمد رضوان نے اننگز کا آغاز کیا، بابر اعظم ایک مرتبہ پھر ناکام رہے اور صرف 5 رنز بناکر آؤٹ ہوگئے، فخر زمان صفر پر کلین بولڈ ہوگئے۔

Take a bow, Sri Lanka! ???? ????

Men's #AsiaCup Champions for the 6️⃣th time! ????#RoaringForGlory #SLvPAK pic.twitter.com/9xf2sjlIBX

— Sri Lanka Cricket ???????? (@OfficialSLC) September 11, 2022

 

پاکستان کی جانب سے تیسرے آؤٹ ہونے والے بیٹر افتخار احمد تھے جو کہ 1 چھکے اور 2 چوکوں کی مدد سے 31 گیندوں پر 32 رنز بناکر پویلین لوٹ گئے، محمد نواز 6، آصف علی صفر اور محمد رضوان 1 چھکے اور 4 چوکوں کی مدد سے 49 گیندوں پر 55 رنز بناکر آؤٹ ہوئے، خوشدل شاہ بھی بری طرح ناکام رہے اور صرف 2 رنز پر کلین بولڈ ہوگئے، نائب کپتان شاداب خان صرف 8 رنز بناکر وکٹ گنوا بیٹھے۔

افغانستان کے خلاف میچ کے ہیرو نسیم شاہ بھی صرف 4 رنز ہی بناسکے، حارث رؤف 13 رنز بناکر کلین بولڈ ہوگئے، قومی ٹیم کے 8 کھلاڑی ڈبل فیگر میں داخل نہ ہوسکے۔

دبئی انٹرنیشنل کرکٹ سٹیڈیم میں کھیلے گئے فیصلہ کن معرکے میں بابر اعظم نے ٹاس جیت کر داسن شناکا کو پہلے بیٹنگ کی دعوت دی تھی۔