حساب برابر، ایشیا کپ میں شاہینوں کا پلٹ کر وار، بھارتی سورماؤں کو ڈھیر کر دیا

ایشیا کپ ٹی 20 کے سپر فور مرحلے کے اہم میچ میں سنسنی خیز مقابلے کے بعد شاہینوں نے بھارتی غرور خاک میں ملاتے ہوئے 5 وکٹ سے فتح اپنے نام کرلی۔

دبئی کرکٹ سٹیڈیم میں کھیلے گئے میچ میں بھارت کی جانب سے روہت شرما اور قومی ٹیم کی طرف سے بابر اعظم کپتانی کے فرائض انجام دے رہے ہیں، پاکستان نے ٹاس جیت کر پہلے فیلڈنگ کا فیصلہ کیا تھا۔

Fans were treated to a special win ????

Thank you for your support ????#AsiaCup2022 | #INDvPAK pic.twitter.com/QF71fZfGSA

— Pakistan Cricket (@TheRealPCB) September 4, 2022

What a win! ????????#INDvPAK | #AsiaCup2022 pic.twitter.com/1KDci25HBz

— ICC (@ICC) September 4, 2022

182 رنز ہدف کے تعاقب میں پاکستان کی جانب سے کپتان بابر اعظم اور محمد رضوان نے اننگز کا آغاز کیا، کپتان بابر اعظم 2 چوکوں کی مدد سے 10 گیندوں پر 14 رنز بناکر روی بشنوئی کی گیند پر روہت شرما کو کیچ دے بیٹھے، فخر زمان 2 چوکوں کی مدد سے 18 گیندوں پر 15 رنز بناکر چاہل کی گیند پر کوہلی کے ہاتھوں کیچ آؤٹ ہوگئے۔

محمد نواز کو اوپر بھیجنا بھارت کے لئے سرپرائز ثابت ہوا اور انہوں نے جارحانہ بلے بازی کا مظاہرہ کرتے ہوئے 2 چھکوں اور 6 چوکوں کی مدد سے 20 گیندوں پر 42 رنز کی اننگز کھیلی، تاہم وہ بھوونیشور کمار کو چھکا مارنے کی کوشش میں دیپک ہوڈا کو باؤنڈری لائن پر کیچ تھما بیٹھے۔

محمد رضوان نے ایک مرتبہ پھر شاندار بلے بازی کا مظاہرہ کیا اور 2 چھکوں ، 6 چوکوں کی مدد سے 51 گیندوں پر 71 رنز بناکر ہاردیک پانڈیا کی گیند پر سوریا کمار یادیو کے ہاتھوں کیچ آؤٹ ہوگئے، آصف علی 1 چھکے اور 2 چوکوں کی مدد سے 8 گیندوں پر 16 رنز بنا کر پویلین لوٹے، ان کو ارشدیپ سنگھ نے ایل بی ڈبلیو آؤٹ کیا ۔

بھارت کی جانب سے بھوونیشور کمار، ارشدیپ سنگھ، روی بشنوئی، ہاردیک پانڈیا اور یوزویندرا چاہل نے ایک، ایک وکٹ حاصل کی۔

اس طرح پاکستان نے 19 اعشاریہ 5 اوورز میں 5 وکٹ کے نقصان پر 182 رنز کا ہدف حاصل کرلیا، خوشدل شاہ 14 اور افتخار احمد 2 رنز بنا کر ناقابل شکست رہے۔

4️⃣2️⃣ off 2️⃣0️⃣ balls, 1️⃣-2️⃣5️⃣ and 3️⃣ catches – a night to remember for @mnawaz94 ????

He is named player of the match for his extraordinary all-round display ????#AsiaCup2022 | #INDvPAK pic.twitter.com/AonSMRJIUI

— Pakistan Cricket (@TheRealPCB) September 4, 2022