سری لنکا میں ایک بار پھر پیٹرول کی کمی میں شدت کا اضافہ ہو گیا ہے

سری لنکا کی حکومت نے اتوار کو ایک مرتبہ پھر پیٹرول کی قیمتوں میں اضافہ کر دیا ہے جس کی وجہ سے شہریوں کی مشکلات بھی بڑھ گئی ہیں۔

سری لنکا میں پیٹرول کی قیمتوں میں ایک بار پھر اضافہ کر دیا گیا۔

سری لنکا کی حکومت نے اتوار کو ایک مرتبہ پھر پیٹرول کی قیمتوں میں اضافہ کر دیا ہے جس کی وجہ سے شہریوں کی مشکلات بھی بڑھ گئی ہیں۔

فرانسیسی خبر رساں ادارے اے ایف پی کے مطابق سیلون پیٹرولیم کارپوریشن نے کہا ہے کہ اس وقت عالمی مارکیٹ میں تیل کی دستیابی میں مشکلات کے پیش نظر پبلک ٹرانسپورٹ میں استعمال ہونے والے ڈیزل کی قیمت میں اضافہ کر دیا ہے۔

15 فیصد اضافے کے ساتھ ڈیزل کی قیمیت 460 روپے یا 1.27 ڈالر فی لیٹر ہو گئی ہے جبکہ پیٹرول کی قیمت میں 22 فیصد اضافہ ہوا ہے جس کے بعد اس کی نئی قیمت 550 روپے یا 1.52 ڈالر ہے۔

یہ اعلان وزیر توانائی کنچنا ویجیسکیرا کے اس بیان کے ایک دن بعد آیا جب انہوں نے تیل کی نئی کھیپ سے متعلق کہا تھا کہ اس میں غیرمعینہ مدت تک تاخیر ہوگی۔

ویجیسکیرا نے صارفین سے معذرت کرتے ہوئے کہا کہ وہ پمپ اسٹیشنوں کے باہر لمبی قطاروں میں کھڑے ہونے سے گریز کریں اور کوشش کریں کہ پیٹرول کا استعمال کم سے کم کریں۔

سرکاری ذرائع کے مطابق ملک میں تیل کی سپلائی تقریباً دو دن کے لیے کافی تھی لیکن حکام نے اس کو ضروری خدمات کے لیے رکھا ہے اور عام عوام کیلئے جو آرڈر دے رکھا ہے اسکی کھیپ ابھی تک پہنچی نہیں ہے۔