اسلام آباد ہائیکورٹ نے ایمان مزاری کیخلاف مقدمہ خارج کر دیا

اسلام آباد ہائی کورٹ نے حساس اداروں کے خلاف نازیبا الفاظ کے استعمال پر مشہور وکیل اور انسانی حقوق کی علمبردار ایمان مزاری کے خلاف مقدمہ خارج کرنے کا حکم جاری کر دیا۔

اسلام آباد ہائی کورٹ نے حساس اداروں کے خلاف نازیبا الفاظ کے استعمال پر مشہور وکیل اور انسانی حقوق کی علمبردار ایمان مزاری کے خلاف مقدمہ خارج کرنے کا حکم جاری کر دیا۔

اسلام آباد ہائی کورٹ میں چیف جسٹس اطہر من اللہ نے ایمان مزاری کے خلاف اداروں کے خلاف بیانات دینے اور نازیبا الفاظ کے استعمال کے کیس کی سماعت کی۔

چیف جسٹس اطہرمن اللہ کی عدالت نمبر 01 میں کیس کی سماعت کے وقت ایمان مزاری اپنی وکیل زینب جنجوعہ کے ساتھ عدالت میں پیش ہوئیں۔

وکیل ایمان مزاری زینب جنمجوعہ کا کہنا تھا کہ ہم تحفظات کے باوجود معززعدالت کی ہدایت پرتفتیش کا حصہ بنے لیکن پولیس نے اس حوالے سے صریحا بد دیانتی سے کام لیا ہم پولیس کو کچھ بیان دیتے تھے اور پولیس آگے کچھ لکھتی تھی

ہم نے پولیس کو بتایا کہ ہم عدالت میں اپنا بیان خود جمع کروائیں گے ہمیں پولیس پر بھروسہ نہیں ہے اور ساتھ یہ بھی بتایا کہ جس لفظ کو موجوع بحث بنا کر مقدمہ درج کروایا گیا ہے اس لفظ پر مقدمہ بنانے کا کوئی جواز ہی نہیں ہے ۔

اس موقع پر چیف جسٹس اسلام آباد ہائی کورٹ جسٹس اطہرمن اللہ نے استفسار کیا کہ ایمان مزاری ایک قابل آفیسر آف کورٹ ہیں ان کو ایسے الفاظ بولنا زیب نہیں دیتا لیکن ایمان مزاری اس حوالے سے معذرت کر چکی ہیں اب وکیل وزارت دفاع مزید کیا چاہتے ہیں؟

وزارت دفاع کے وکیل نے اس حوالے سے استفسار کیا کہ آپ ایمان مزاری کا سابقہ کنڈکٹ بھی چیک کریں اس لئے ہماری عدالت سے گزارش ہے کہ ایمان مزاری اس حوالے سے پریس پرآ کر معافی مانگیں۔

اس حوالے سے چیف جسٹس اسلام آباد ہائیکورٹ جسٹس اطہر من اللہ نے کہا کہ ایمان مزاری عدالت کے سامنے اپنے بیان پر معذرت کا اظہار کر چکی ہیں لیکن آپ ایمان مزاری کے اس بیان کا وقت بھی دیکھیں کہ اس وقت ان کی والدہ کیساتھ کیا ہوا تھا جس کے ساتھ ہی عدالت نے ایمان مزاری کے خلاف مقدمہ خارج کرنے کی درخواست منظور کر لی۔