سلمان خان نے شادی کی پیشکش کی تو انکار نہیں کر پاؤں گی: میرا

پاکستانی اداکارہ میرا نے کہا ہے کہ اگر سلمان خان انہیں شادی کی پیشکش کرتے ہیں تو وہ انکار نہیں کر پائیں گی۔

 پاکستانی اداکارہ میرا نے کہا ہے کہ اگر سلمان خان انہیں شادی کی پیشکش کرتے ہیں تو وہ انکار نہیں کر پائیں گی۔

میڈیا رپورٹس کے مطابق پاکستان کی معروف اداکارہ میرا نے حال ہی میں عید کے موقع پر نشر ہونے والے نجی ٹی وی کے پروگرام میں شرکت کی جس میں انہوں نے اپنی شادی اور ہمسفر کی خوبیوں سے متعلق کُھل کر بات کی۔

اداکارہ نے کہا کہ میں جس سے شادی کروں گی اس میں یہ تین خصوصیات لازمی ہونی چاہئیں، سب سے پہلے ان کا تعلق سید خاندان اور سادات سے ہونا چاہیے ورنہ میں ساری زندگی ایسی ہی بیٹھی رہوں گی اور شادی نہیں کروں گی، وہ شخص مولا علیؑ سے محبت کرتا ہو اور غیرت مند بھی ہو۔

پروگرام کے دوران ایک مداح نے میرا سے سوال کیا کہ میرا آپ نے ابھی تک شادی نہیں کی اور بھارت میں سلمان خان نے بھی اب تک نہیں کی، اگر سلمان بھائی آپ کو شادی کی پیشکش کریں تو کیا آپ قبول کریں گی؟

میرا نے جواب دیا کہ سلمان خان دنیا بھر میں بہت بڑے سپر اسٹار ہیں، اگر وہ مجھے شادی کے لیے پوچھیں گے تو میں یقینی طور پر ہاں کہوں گی۔