پاکستان میں کرونا نے پھر سر اٹھانا شروع کر دیا۔ مثبت کیسز کی تعداد میں اضافہ۔

پاکستان میں کرونا نے پھر سر اٹھانا شروع کر دیا۔ مثبت کیسز کی تعداد میں اضافہ۔

پاکستان میں کرونا نے پھر سر اٹھانا شروع کر دیا۔ مثبت کیسز کی تعداد میں اضافہ۔

قومی ادارہ صحت کے مطابق گزرے چوبیس گھنٹے کے دوران پاکستان میں 171 افراد میں کرونا وائرس کی تشخیص پائی گئی جبکہ ملک بھر میں مثبت کیسزکی شرح ایک اعشاریہ پانچ فیصد ریکارڈ کی جا چکی ہے۔

این آئی ایچ کی دی گئی رپورٹ کے مطابق اس وقت کرونا کیسز کی سب سے زیادہ شرح صوبہ سندھ میں ریکارڈ کی گئی ہے جہاں مجموعی طور پر یہ شرح پانچ فیصد تک پہنچ چکی ہے۔ کراچی میں کرونا کیسز کی شرح 10.08 جبکہ حیدرآباد میں 16.67 فیصد ریکارڈ کی گئی ہے۔

اسی طرح وفاقی دارالحکومت اسلام آباد میں کرونا کیسز کی شرح 2.27 فیصد جبکہ پنجاب کے صوبائی دارالحکومت لاہور میں یہ شرح 1 فیصد ریکارڈ کی گئی ہے۔

آزاد کشمیر کے علاقے میرپور میں کرونا کیسز کی شرح 5.26 فیصد جبکہ ایبٹ آباد میں 1.2 فیصد اور مردان میں 3.39 فیصد ریکارڈ کی گئی ہے۔

این آئی ایچ کی پیش کردہ رپورٹ کے مطابق پچھلے 24 گھنٹے کے دوران پورے ملک میں کرونا سے کوئی ہلاکت نہیں ہوئی لیکن گزشتہ 24 گھنٹے کے دوران 57 ایسے مریض بھی رپورٹ کئے گئے ہیں جن کی حالت تشویش ناک ہے

قومی ادارہ برائے صحت نے اپنی جاری کردہ رپورٹ میں اعداد و شمار جاری کئے جن کے مطابق گزشتہ 24 گھنٹے میں 11 ہزار 212 ٹیسٹ کئے گئے ہیں۔