جنوبی افریقہ کے ایک نائٹ کلب میں 20 افراد ہلاک ہو گئے

جنوبی افریقہ کی پولیس کے مطابق ایک نائٹ کلب سے کم از کم 20 افراد مردہ پائے گئے ہیں

جنوبی افریقہ کی پولیس کے مطابق ایک نائٹ کلب سے کم از کم 20 افراد مردہ پائے گئے ہیں۔

فرانسیسی خبر رساں ادارے اے ایف پی کے مطابق یہ واقعہ اتوار کے روز جنوبی افریقہ کے شہر ایسٹ لندن کے علاقے میں واقع ایک نائٹ کلب یہ پیش آیا۔

پولیس کے سربراہ بریگیڈیئر تمبنکوسی کینانا کا کہنا ہے کہ مقامی پولیس اس واقعے کی تفتیش کر رہی ہے۔

انہوں نے مزید بتایا کہ مقتولین کی عمریں 18 سے 20 سال کے درمیان تھیں

سوشل میڈیا پر شیئر کی گئی غیر تصدیق شدہ تصاویر میں دیکھا جا سکتا ہے کہ لاشیں کلب میں بکھری پڑی ہیں اور ان پر زخموں کے واضح نشان نہیں ہیں جس سے یہ ظاہر ہوتا ہے کہ ان پر کسی قسم کا تشدد کر کے نہیں مارا گیا۔

میڈیا رپورٹس کے مطابق پولیس افسران کلب کے باہر ہجوم کو پُرسکون کرنے کی کوشش کر رہی ہےلیکن لوگ اپنے پیاروں کو دیکھنے اور ان کی زندگی کیلئے بے چین ہیں۔

مشرقی صوبے کیپ کی پولیس کمشنر للیئن مین نے نجی نیوز ایجنسی سے بات کرتے ہوئے کہا کہ کلب میں مبینہ طور پر بھگدڑ مچ گئی تھی جس کی وجہ سے اموات ہوئی ہیں۔

تاہم صوبے کی کمیونٹی اور سیفٹی ڈیپارٹمنٹ کے عہدیدار اونیتھی بنکوز جو جائے وقوعہ پر موجود تھے ان کا کہنا ہے کہ یہ یقین کرنا مشکل ہے کہ لوگوں کی اموات بھگدڑ مچنے سے ہوئیں کیونکہ مرنے والے افراد کے جسموں پر زخموں کے واضح نشانات نہیں تھے۔

جنوبی افریقہ پولیس کے بھگدڑ مچنے کے حوالے سے دو آفیسرز کے دو مختلف بیانات نے اس معاملے کو مزید متنازعہ بنا دیا ہے۔