پوری کوشش ہے کسی طرح مجھے میچ سے نکالا جائے، عمران خان کا ملتان جلسے سے خطاب

ضمنی الیکشن ہو تو نتیجہ 9-0 ہوگا، ان کی پوری کوشش ہے کہ کسی طرح مجھے میچ سے نکالا جائے،عام انتخابات میں دوتہائی اکثریت دلوانی ہے تاکہ حقیقی آزادی کا انقلاب لاسکیں۔

عمران خان کا کہنا ہے کہ ضمنی الیکشن میں ہار کے خوف سے یہ وکٹیں اٹھا کر لے  گئے ہیں، ضمنی الیکشن ہو تو نتیجہ 9-0 ہوگا،  ان کی پوری کوشش ہے کہ کسی طرح مجھے میچ سے نکالا جائے،عام انتخابات میں دوتہائی اکثریت دلوانی ہے تاکہ حقیقی آزادی کا انقلاب لاسکیں۔

ملتان میں تحریک انصاف کے جلسے سے خطاب کرتے ہوئے عمران خان نے کہا کہ  یہ لوگ پاکستان تحریک انصاف کےجلسےدیکھ کرپریشان ہوگئے اور ضمنی الیکشن کا میچ چھوڑ کر بھاگ گئے۔ضمنی الیکشن میں الیکشن کمیشن، انتظامیہ اور مسٹرایکس کی مدد کے باوجود ان کا الیکشن میں صفایا ہو گیا، اب یہ ڈر رہے ہیں کہ  اگر اتوار کو الیکشن ہو جاتا تو ان کی تین وکٹیں مزید گر جانی تھیں،میرا چیلنج ہے جب بھی نو  حلقوں میں الیکشن ہو گا، تمام سیٹیں پی ٹی آئی جیتے گی اور نتیجہ 9-0 ہوگا، یہ اپنے امپائر ہونے کے باوجود نہیں جیت سکتے، یہ ہارنے کے خوف سے وکٹیں اٹھا کر لے گئے ہیں۔

انہوں نے کہا کہ ہرکسی کے ساتھ بات کرنے  کو تیار ہیں لیکن چوروں سے کبھی بات نہیں کریں گے، جب کوئی معاشرہ چوری کو برا نہ سمجھے وہ قوم اپنی قبر کھود دیتی ہے،نوازشریف نے ملک کے اربوں روپے لوٹے، اب وہ لندن بیٹھا ہوا ہے اور کہتا ہے کہ اگر این آر او ٹو ملے گا تو ہی پاکستان آئے گا۔

عمران خان کا کہنا تھا کہ ہم نے آئی ایم ایف پروگرام کےباوجود عوام کو بڑا ریلیف دیا، ہم ہیلتھ کارڈ لائے، احساس پروگرام کےذریعے ہم نےغریبوں کی مدد کی، لوگوں کو گھربنانےکیلئےسود کےبغیر قرضےدیئے، اب قوم نے وعدہ کرناہے کہ ہم نےان چوروں سےچھٹکارہ حاصل کرناہے اور آئندہ الیکشن میں ان چوروں کو ووٹ نہیں دینا۔