فیس بک پر پھیلی اس افواہ کو حقیقت تو نہیں مان لیا؟
6 Years agoیہ کہنا غلط نہیں ہوگا کہ فیس بک نے ہماری زندگیوں پر غلبہ پالیا ہے اور اس سے دور رہنا کروڑوں بلکہ اربوں افراد کے لیے لگ بھگ ناممکن ہوچکا ہے۔
آپ کی اس سماجی رابطے کی ویب سائٹ کے حوالے سے ترجیحات جو بھی ہوں، اس حقیقت سے انکار ممکن نہیں کہ فیس بک بی ایف ایف (بیسٹ فرینڈز فار ایور کا مخفف) سے جڑے رہنے میں مدد دیتی ہے۔
تاہم فیس بک کو اس وقت کیمبرج اینالیٹیکا ڈیٹا اسکینڈل کے باعث مشکل دور کا سامنا ہے اور لگتا ہے کہ اس موقع پر ایک لفظ 'BFF' نے صورتحال پر لوگوں میں موجود خدشات کا فائدہ اٹھانا شروع کردیا ہے۔
گزشتہ چند ہفتوں سے فیس بک پر ایک افواہ بہت تیزی سے دنیا بھر میں اور مختلف زبانوں میں پھیلی ہے۔
اس افواہ کے مطابق ' فیس بک کے سی ای او مارک زکربرگ نے ایک لفظ BFF یا بی ایف ایف ایجاد کیا ہے، اپنے فیس بک اکاﺅنٹ کے محفوظ ہونے کا یقین کرنا چاہتے ہیں تو کمنٹ میں بی ایف ایف ٹائپ کریں، اگر وہ سبز رنگ میں نظر آئے تو اس کا مطلب ہے کہ اکاﺅنٹ محفوظ ہے، اگر وہ سبز نہ ہو تو اپنا پاس ورڈ فوری طور پر بدل لیں کیونکہ ہوسکتا ہے کہ وہ کسی اور نے ہیک کرلیا ہو، اس پیغام کو ہر ایک کے ساتھ شیئر کریں'