پنجاب بھر میں ’چائنہ نمک‘ کے استعمال پر پابندی عائد

چینی کھانوں کا لازمی جز سمجھی جانے والے اجینو موتو (المعروف چائنہ نمک) پر پنجاب بھر میں پابندی عائد کردی گئی۔

اجینو موتو کے استعمال پر پابندی پنجاب فوڈ اتھارٹی کے سائنٹیفک پینل کی سفارش پر عائد کی گئی۔

سائنٹیفک پینل کا کہنا تھا اجینو موتو یا چائنہ نمک میں مونو سوڈیم گلومیٹ پایا جاتا ہے، جو سر درد، دل کی دھڑکن کے مسائل، دماغی و اعصابی بیماریوں کا باعث بنتا ہے۔

بلڈ پریشر اور ہائپر ٹینشن کا سبب بننے والا چائنہ سنمک حاملہ خواتین کے لیے بھی سخت نقصان دہ ہے۔


بیان میں تجویز دیتے ہوئے کہا گیا کہ ہوٹل، ریسٹورنٹس، فروزن فوڈز اور دیگر تمام مصنوعات میں چائنہ نمک کے استعمال پر مکمل پابندی عائد کی جائے۔

پنجاب فوٹ اتھارٹی نے سائنٹیفک پینل کی سفارش پر چائنہ نمک کے استعمال کے مکمل خاتمے کے لیے 31 مارچ کی حتمی ڈیڈ لائن جاری کر دی۔