کیا مونگ پھلی آپ کو موٹا کرتی ہے؟

سردیوں کے موسم میں میوا کھانے کے شوقین افراد سب سے زیادہ شاید مونگ پھلی کھانا پسند کرتے ہیں، ٹھنڈی راتوں میں مونگ پھلی کھانے کا مزا بھی کچھ اور ہی ہے۔

شاید ہی کوئی ایسا ہوگا جسے مونگ پھلی کھانا پسند نہ ہو، لیکن کیا مونگ پھلی ہمارا وزن بڑھاتی ہے؟


ویسے تو مونگ پھلی کھانے کے بہت سے فوائد ہوتے ہیں، لیکن کیا آپ جانتے ہیں کہ اس میوے کو اگر صحیح تعداد میں نہ کھایا جائے تو اس سے وزن میں اضافہ ہوسکتا ہے۔

جی ہاں، اگر کسی کو بہت زیادہ مونگ پھلی کھانے کی عادت ہو تو اس کا وزن بڑھ بھی سکتا ہے۔

اگر آپ روزانہ اپنا وزن کم کرنے کے لیے جم میں ورزش کررہے ہیں تو بہتر ہے کہ مونگ پھلی کو اپنی خوراک نہ بنائیں۔


روزانہ مونگ پھلی کھانے سے آپ کے وزن میں اضافہ ہوسکتا ہے، کیوں کہ ان میں کیلوریز میں مقدار بہت زیادہ ہوتی ہے۔


نمکین مونگ پھلی وزن میں اور تیزی سے اضافہ کرتی ہے، کیوں کہ اس میں سوڈیم کی مقدار بھی زیادہ ہوتی ہے۔

اگر آپ نارمل مقدار میں مونگ پھلی کھا رہے ہیں تو پھر اس کے نہت سے فوائد بھی ہیں۔