ایف 16 طیارے سجانے کے لیے نہیں رکھے، کسی بھی ملک کے خلاف استعمال ہوسکتے ہیں، سفارتی ذرائع

اسلام آباد: سفارتی ذرائع کا کہنا ہے کہ پاکستان دفاع کے لیے کسی بھی ملک کے خلاف ایف 16 کا استعمال کرسکتا ہے، طیارے سجانے کے لیے نہیں خریدے گئے۔

تفصیلات کے مطابق بھارت کی جانب سے دعویٰ کیا گیا تھا کہ پاکستان نے 26 فروری کی صبح بھارتی طیاروں کو گرانے کے لیے ایف 16 طیاروں کا استعمال کیا۔ بھارتی افواج کے سربراہان یا حکومتی نمائندے اس بات کا ثبوت پیش نہیں کرسکے بلکہ وہ ایک چادر کا ٹکڑا ہی اٹھائے اپنی دعوے کا دہراتے نظر آئے۔

بھارتی میڈیا کے چند چینلز نے ایف سولہ طیاروں کا ثبوت نہ ملنے پر نسوار کی پڑیاں تک دکھائیں تاکہ وہ عالمی دنیا اور اپنے عوام کو بے وقوف بنا سکیں مگر انہیں ہر پاکستان کے خلاف ناکام دراندازی کے بعد انہیں ہر موڑ پر ہی ناکامی کا سامنا کرنا پڑا۔