رمشا کے قاتل نے نواب وسان کے بنگلے سے گرفتاری پیش کر دی

رمشا کے قاتل نے نواب وسان کے بنگلے سے گرفتاری پیش کر دی
کنب کے نزدیک اغوا کے بعد بے دردی سے قتل کی گئی رمشا وسان کے قاتل ذوالفقار عرف ذلو وسان نے نواب وسان کے بنگلے سے گرفتاری پیش کی ہے۔ ذوالفقار وسان نے سندھ حکومت کے ایک اہم بندے کی ان یقین دہانیوں کے بعد گرفتاری پیش کی کہ میڈیا پر معاملہ ٹھنڈا ہونے کے بعد اسے بڑی عزت کے ساتھ عدالتوں سے بری کرایا جائے گا۔ ذوالفقار وسان پر قتل اور ڈکیتیوں کے متعدد کیس پہلے ہی درج تھے اور اس کی گرفتاری پر ۱۵ لاکھ روپے انعام بھی رکھا گیا تھا۔ سابق صوبائی وزیر منظور وسان جب ہوم منسٹر بنے تو ذوالفقار وسان کا نام انتہائی مطلوب اور انعام رکھے ہوئے مجرموں کی لسٹ سے خارج کر دیا گیا تھا۔ ذوالفقار وسان کو محکمہ زراعت میں ایک چھوٹی موٹی ملازمت بھی دی گئی تھی جو اس کے تمام کرمنل کیریئر کے دوران جاری رہی۔