بھارتی اداکارہ پونم کور کرتار پور راہداری سے خوش

بھارتی اداکارہ پونم کور کرتار پور راہداری سے خوش
رتار پور راہداری کا سنگ بنیاد رکھنے کے بعد پاکستان اور بھارت میں موجود سکھ برادری میں ایک خوشی کی لہر دوڑ گئی۔ سکھ برادری نے کرتارپور راہداری کا سنگ بنیاد رکھنے پر وزیراعظم عمران خان کا شکریہ بھی ادا کیا تاہم اب بھارتی تامل اداکارہ پونم کور نے کرتارپور راہداری پر ایک دستاویزی فلم ریلیز کر دی ہے۔
پونم کور نے دورہ پاکستان کے دوران بنائی گئی مختصر دورانیے کی دستاویزی فلم میں کرتاپور راہداری کھولنے کے فیصلے کو دونوں ملکوں کے درمیان امن کا راستہ قرار دیا۔ 12 برس سے تامل فلموں میں اداکاری کے جوہر دکھانے والی پونم کور نے گذشتہ ماہ 21 سے 30 نومبر تک پاکستان کادورہ کیا تھا۔ اس دوران پونم کور نے 28 نومبر کو کارتارپور راہداری کھولنے کی تقریب میں بھی شرکت کی اور گوردواروں پر حاضری بھی دی تھی۔