Hadith in Arabic

(۷۷۳۵)۔(وَعَنْہُ اَیْضًا) قَالَ بَعَثَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ بَعْثًا فَکُنْتُ فِیہِمْ فَأَتَیْنَا عَلٰی قَرْیَۃٍ فَاسْتَطْعَمْنَا أَہْلَہَا فَأَبَوْا أَنْ یُطْعِمُونَا شَیْئًا فَجَائَ نَا رَجُلٌ مِنْ أَہْلِ الْقَرْیَۃِ فَقَالَ: یَا مَعْشَرَ الْعَرَبِ! فِیکُمْ رَجُلٌ یَرْقِی، فَقَالَ أَبُو سَعِیدٍ قُلْتُ: وَمَا ذَاکَ؟ قَالَ: مَلِکُ الْقَرْیَۃِ یَمُوتُ قَالَ فَانْطَلَقْنَا مَعَہُ فَرَقَیْتُہُ بِفَاتِحَۃِ الْکِتَابِ فَرَدَّدْتُہَا عَلَیْہِ مِرَارًا فَعُوفِیَ فَبَعَثَ إِلَیْنَا بِطَعَامٍ وَبِغَنَمٍ تُسَاقُ فَقَالَ أَصْحَابِی لَمْ یَعْہَدْ إِلَیْنَا النَّبِیُّ صَلَّی اللّٰہُ عَلَیْہِ وَسَلَّمَ فِی ہٰذَا بِشَیْئٍ لَا نَأْخُذُ مِنْہُ شَیْئًا حَتّٰی نَأْتِیَ النَّبِیَّ صلى الله عليه وآله وسلم، فَسُقْنَا الْغَنَمَ حَتّٰی أَتَیْنَا النَّبِیَّ صلى الله عليه وآله وسلم فَحَدَّثْنَاہُ، فَقَالَ: ((کُلْ وَاَطْعِمْنَا مَعَکَ، وَ مَا یُدْرِیْکَ اَنَّہَا رُقْیَۃٌ!)) قَالَ: قُلْتُ: اُلْقِیَ فِیْ رَوْعِیْ۔ (مسند احمد: ۱۱۴۹۲)

Hadith in Urdu

۔ سیدنا ابو سعید خدری ‌رضی ‌اللہ ‌عنہ سے روایت ہے کہ نبی کریم ‌صلی ‌اللہ ‌علیہ ‌وآلہ ‌وسلم نے ایک دستہ بھیجا، سیدنا ابو سعید کہتے ہیں: میں بھی ان میں شامل تھا، ہم ایک بستی میں آئے، ہم نے وہاں کے رہنے والوں سے کھانا طلب کیا، انہوں نے ہمیں کھانا کھلانے سے انکار کردیا، ہمارے پاس بستی والوں میں سے ایک آدمی آیا اور اس نے کہا: اے گروہ عربٖ! تم میں کوئی ایسا آدمی ہے جو دم کرلیتا ہو؟ سیدنا ابو سعید خدری ‌رضی ‌اللہ ‌عنہ نے کہا: کیسا دم کرنا ہے؟ اس نے کہا: اس بستی کا رئیس موت کی کشمکش میں ہے، پس ہم اس کے ساتھ گئے، میں نے اسے سورۂ فاتحہ پڑھ کر دم کیا، میں نے کئی مرتبہ اسے دہرا کر پڑھا، پس اس کو عافیت ہو گئی، اس نے ہمارے لئے کھانا اور بکریاں بھیجیں، جو ہانک کر ہمارے پاس لائی گئیں، میرے ساتھیوں نے کہا: نبی کریم ‌صلی ‌اللہ ‌علیہ ‌وآلہ ‌وسلم نے اس بارے میں ہمیں کوئی حکم نہیں دیا، ہم اس میں سے کچھ نہیں لیں گے، یہاں تک کہ ہم نبی کریم ‌صلی ‌اللہ ‌علیہ ‌وآلہ ‌وسلم کے پاس حاضر ہوں، ہم نے بکریاں ہانکیں، حتی کہ ہم نبی کریم ‌صلی ‌اللہ ‌علیہ ‌وآلہ ‌وسلم کے پاس آ گئے، جب ہم نے یہ بات نبی کریم ‌صلی ‌اللہ ‌علیہ ‌وآلہ ‌وسلم سے بیان کی تو آپ ‌صلی ‌اللہ ‌علیہ ‌وآلہ ‌وسلم نے فرمایا: کھالو اور ہمیں بھی اپنے ساتھ کھلاؤ، تمہیں کس طرح معلوم تھا کہ یہ دم ہے؟ میں نے کہا: بس میرے دل میں یہ بات ڈال دی گئی تھی۔

Hadith in English

.