Hadith in Arabic

(۷۵۴۹)۔حَدَّثَنَا عَبْدُ اللّٰہِ بْنُ إِدْرِیسَ قَالَ سَمِعْتُ الْمُخْتَارَ بْنَ فُلْفُلٍ قَالَ: سَأَلْتُ أَنَسَ بْنَ مَالِکٍ عَنِ الشُّرْبِ فِی الْأَوْعِیَۃِ، فَقَالَ نَہٰی رَسُولُ اللّٰہِ صَلَّی اللّٰہُ عَلَیْہِ وَسَلَّمَ عَنِ الْمُزَفَّتَۃِ وَقَالَ: ((کُلُّ مُسْکِرٍ حَرَامٌ۔)) قَالَ: قُلْتُ: وَمَا الْمُزَفَّتَۃُ؟ قَالَ: الْمُقَیَّرَۃُ، قَالَ: قُلْتُ: فَالرَّصَاصُ وَالْقَارُورَۃُ؟ قَالَ: مَا بَأْسٰ بِہِمَا، قَالَ: قُلْتُ: فَإِنَّ نَاسًا یَکْرَہُونَہُمَا، قَالَ: ((دَعْ مَا یَرِیبُکَ إِلٰی مَا لَا یَرِیبُکَ، فَإِنَّ کُلَّ مُسْکِرٍ حَرَامٌ۔)) قَالَ قُلْتُ لَہُ: صَدَقْتَ، السُّکْرُ حَرَامٌ فَالشَّرْبَۃُ وَالشَّرْبَتَانِ عَلٰی طَعَامِنَا؟ قَالَ: مَا أَسْکَرَ کَثِیرُہُ فَقَلِیلُہُ حَرَامٌ وَقَالَ الْخَمْرُ مِنَ الْعِنَبِ وَالتَّمْرِ وَالْعَسَلِ وَالْحِنْطَۃِ وَالشَّعِیرِ وَالذُّرَۃِ فَمَا خَمَّرْتَ مِنْ ذٰلِکَ فَہِیَ الْخَمْرُ۔ (مسند احمد: ۱۲۱۲۳)

Hadith in Urdu

۔ مختار بن فلفل کہتے ہیں: میں نے سیدنا انس بن مالک ‌رضی ‌اللہ ‌عنہ سے برتنوں میں مشروب پینے کے متعلق سوال کیا، انہوں نے کہا: نبی کریم ‌صلی ‌اللہ ‌علیہ ‌وآلہ ‌وسلم نے تارکول والے برتن سے منع کیا ہے اور فرمایا: ہر نشہ آور چیز حرام ہے۔ میں نے کہا: کچ اور شیشے کے برتن کے متعلق کیا خیال ہے؟ انہوں نے کہا: ان کے استعمال میں کوئی حرج نہیں ہے، میں نے کہا: کچھ لوگ انہیں ناپسند کرتے ہیں، انہوں نے کہا: جو چیز تجھے شک میں ڈالتی ہے، اسے اس وقت تک چھوڑ دو، جب تک کہ شک ختم نہ ہو جائے اور بے شک ہر نشہ آور چیز حرام ہے۔ میں نے کہا: آپ سچ کہتے ہیں کہ نشہ آور چیز حرام ہے، لیکن کھانے کے بعد اگر ایک دو گھونٹ پی لیں تو؟ انہوں نے کہا: جو چیز زیادہ مقدار میں نشہ پیدا کر دے، اس کی تھوڑی مقدار بھی حرام ہے، شراب انگور سے ہوتی ہے، کھجور سے ہوتی ہے، شہد سے ہوتی ہے، گندم سے ہوتی ہے، جو سے ہوتی ہے، مکئی سے ہوتی ہے، ان میں سے جو بھی تو شراب بنائے گا، یہ وہ شراب ہے جسے اللہ تعالیٰ نے حرام قرار دیا ہے۔

Hadith in English

.