Hadith in Arabic

(۷۴۷۷)۔عَنْ جَابِرٍ أَنَّ النَّبِیَّ صَلَّی اللّٰہُ عَلَیْہِ وَسَلَّمَ دَخَلَ عَلٰی رَجُلٍ مِنَ الْأَنْصَارِ وَمَعَہُ صَاحِبٌ لَہُ فَسَلَّمَ فَقَالَ لَہُ النَّبِیُّ صلى الله عليه وآله وسلم: ((إِنْ کَانَ عِنْدَکَ مَائٌ بَاتَ فِی ہٰذِہِ اللَّیْلَۃِ فِی شَنَّۃٍ وَإِلَّا کَرِعْنَا۔)) قَالَ وَالرَّجُلُ یُحَوِّلُ الْمَائَ فِی حَائِطٍ فَقَالَ الرَّجُلُ عِنْدِی مَائٌ بَاتَ فَانْطَلَقَ بِہِمَا إِلَی الْعَرِیشِ فَسَکَبَ مَائً فِی قَدَحٍ ثُمَّ حَلَبَ عَلَیْہِ مِنْ دَاجِنٍ فَشَرِبَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ ثُمَّ شَرِبَ الرَّجُلُ الَّذِی جَائَ مَعَہُ۔ (مسند احمد: ۱۴۵۷۳)

Hadith in Urdu

۔ سیدنا جابر ‌رضی ‌اللہ ‌عنہ بیان کرتے ہیں کہ نبی کریم ‌صلی ‌اللہ ‌علیہ ‌وآلہ ‌وسلم انصار کے ایک آدمی کے پاس داخل ہوئے، آپ کے ساتھ ایک صحابی ‌رضی ‌اللہ ‌عنہ بھی تھے، اس نے آپ ‌صلی ‌اللہ ‌علیہ ‌وآلہ ‌وسلم کو سلام کہا،نبی کریم ‌صلی ‌اللہ ‌علیہ ‌وآلہ ‌وسلم نے اس سے فرمایا: کیا تمہارے پاس وہ پانی ہے، جو مشک میں رات رہا ہو، تو وہ لے آؤ، وگرنہ ہم منہ لگا کر ہی پی لیں گے۔ وہ آدمی اپنے باغ کو پانی لگا رہا تھا، اس نے کہا: جی میرے پاس وہ پانی ہے، جو رات مشک میں پڑا رہا ہے، وہ دونوں کو یعنی نبی کریم ‌صلی ‌اللہ ‌علیہ ‌وآلہ ‌وسلم اور آپ ‌صلی ‌اللہ ‌علیہ ‌وآلہ ‌وسلم کے ساتھی کو ایک چھپر کے نیچے لے گیا اور ایک پیالہ میں پانی ڈالا اور اس میں پالتو بکری سے دودھ دوہ کر ملایا اور پیش کر دیا، نبی کریم ‌صلی ‌اللہ ‌علیہ ‌وآلہ ‌وسلم نے پیا بعد میں اس آدمی نے پیا جو آپ کے ساتھ تھا۔

Hadith in English

.