Hadith in Arabic

۔ (۶۰۳۸)۔ عَنْ عَبْدِ اللّٰہِ بْنِ مُحَمَّدِ بْنِ اَبِیْیَحْیٰی عَنْ اَبِیْہِ عَنِ ابْنِ اَبِیْ حَدْرَدٍ الْاَسْلَمِیِّ أَنَّہُ کَانَ لِیَہُوْدِیٍّ عَلَیْہِ أَرْبَعَۃُ دَرَاھِمَ فَاسْتَعْدٰی عَلَیْہِ فقَالَ: یَا مُحَمَّدُ! إِنَّ لِیْ عَلٰی ھٰذَا أَرْبَعَۃَ دَرَاھِمَ وَقَدْ غَلَبَنِیْ عَلَیْہَا، فَقَالَ: ((أَعْطِہِ حَقَّہُ۔)) قَالَ: وَالَّذِیْ بَعَثَکَ بِالْحَقِّ مَا أَقْدِرُ عَلَیْہَا، قَالَ: ((أَعْطِہِ حَقَّہُ۔)) قَالَ: وَالَّذِیْ نَفْسِیْ بِیَِدِہِ مَا أَقْدِرُ عَلَیْہَا، قَدْ أَخْبَرْتُہُ أَنَّکَ تَبْعَثُنَا اِلٰی خَیْبَرَ فَأَرْجُوْ أَنْ تُغْنِمَنَا شَیْئًا فَأَرْجِعُ فَأَقْضِیْہِ، قَالَ: ((أَعْطِہِ حَقَّہُ۔)) قَالَ: وَکَانَ النَّبِیُّ ‌صلی ‌اللہ ‌علیہ ‌وآلہ ‌وسلم اِذَا قَالَ ثَلَاثًا لَمْ یُرَاجِعْ، فَخَرَجَ بِہٖابْنُاَبِیْ حَدْرَدٍ اِلَی السُّوْقِ وَ عَلٰی رَأْسِہِ عِصَابَۃٌ وَھُوَ مُتَّزِرٌ بِبُرْدَۃٍ فَنَزَعَ الْعِمَامَۃَ عَنْ رَأْسِہِ فَاَتَّّزَرَ بِہَا وَنَزَعَ الْبُرْدَۃَ فقَالَ: اشْتَرِ مِنِّیْ ھٰذِہٖالْبُرْدَۃَ، فَبَاعَہَا مِنْہُ بِأَرْبَعَۃِ الدَّرَاھِمِ، فَمَرَّتْ عَجُوْزٌ، فَقَالَتْ: مَالَکَ یَا صَاحِبَ رَسُوْلِ اللّٰہِ؟ فَاَخْبَرَھَا، فَقَالَتْ: دُوْنَکَ ھٰذَا بِبُرْدٍ عَلَیْہَا طَرَحَتْہُ عَلَیْہِ۔ (مسند احمد: ۱۵۵۷۰)

Hadith in Urdu

۔ سیدناابن ابو حدر د اسلمی ‌رضی ‌اللہ ‌عنہ سے روایت ہے، وہ کہتے ہیں:میں نے ایک یہودی کے چاردرہم دینے تھے، وہ نبی کریم ‌صلی ‌اللہ ‌علیہ ‌وآلہ ‌وسلم کے پاس میری شکایت لے کرگیااورکہا: اے محمد! ( ‌صلی ‌اللہ ‌علیہ ‌وآلہ ‌وسلم ) اس آدمی نے میرے چار درہم دینے ہیں، لیکن اب یہ مجھ پر غالب آ گیا ہے، نبی کریم ‌صلی ‌اللہ ‌علیہ ‌وآلہ ‌وسلم نے سیدنا ابو حدرد ‌رضی ‌اللہ ‌عنہ سے فرمایا: اس کو اس کا حق ادا کرو۔ انھوں نے کہا: اس ذات کی قسم جس نے آپ کو حق کے ساتھ مبعوث کیا! میرے پاس گنجائش نہیں ہے، آپ ‌صلی ‌اللہ ‌علیہ ‌وآلہ ‌وسلم نے اسے پھر فرمایا: اس کا حق اداکرو۔ انھوں نے دوبارہ کہا: اس ذات کی قسم جس کے ہاتھ میں میری جان ہے! میرے پاس گنجائش نہیں ہے، میں نے اس یہودی کو بتایاہے کہ نبی کریم ‌صلی ‌اللہ ‌علیہ ‌وآلہ ‌وسلم ہمیں خیبر کی جانب بھیج رہے ہیں، اس لیے ہمیں امید ہے کہ مال غنیمت حاصل ہوگا اور میں واپس آکر قر ض اداکر دوں گا، لیکن آ پ ‌صلی ‌اللہ ‌علیہ ‌وآلہ ‌وسلم نے اسے پھر حکم دیا اور فرمایا: اس کا حق اداکر دو۔ آپ ‌صلی ‌اللہ ‌علیہ ‌وآلہ ‌وسلم جب کوئی بات تین دفعہ ارشاد فرما دیتے تو اس کے بعد مزید تکرار نہیں کرتے تھے۔ سیدنا ابن ابی حدرد ‌رضی ‌اللہ ‌عنہ بازار گئے، سرپر ایک پگڑ ی تھی اور چادر کا تہبند باند ھ رکھاتھا، سر سے پگڑی اتاری اور اس کا تہبند باندھالیا اور چاد ر اتارلی اور آکر یہودی سے کہا: یہ چادر مجھ سے خرید لو، پس اس نے چار درہم میں یہ چادر خرید لی، اتنے میں وہاں سے ایک بڑھیا کا گزر ہوا، اس نے پوچھا: اے صحابیٔ رسول! تجھے کیا ہو گیا ہے؟ انھوں نے اس کو ساری بات بتلائی، بڑھیا کے پاس ایک چادر تھی، اس نے اس کی بات سن کر وہ اس کی طرف پھینک دی اور کہا: یہ لے چادر۔

Hadith in English

.