جعلی اکاؤنٹس کیس: ای سی ایل میں شامل 172 افراد کی فہرست جاری

اسلام آباد: وزارتِ داخلہ کی جانب سے سپریم کورٹ کی ہدایت پر جعلی اکاؤنٹس کیس میں 172 افراد کے نام ای سی ایل میں شامل کر دیے گئے ہیں جن کی فہرست جاری کردی ہے۔
ڈان نیوز کو موصول ہونے والی فہرست سے مطابق سابق صدر اور پیپلز پارٹی کے شریک چیئرمین آصف علی زرداری، چیئرمین پی پی پی بلاول بھٹو زرداری اور فریال تالپور بھی شامل ہیں۔
ان کے علاوہ جن بڑی شخصیات کا نام ایک سی ایل میں شامل کیا گیا ہے ان میں سابق وزیرِ اعلیٰ سندھ مراد علی شاہ، موجودہ وزیرِاعلیٰ سندھ قائم علی شاہ اور معروف بزنس مین ملک ریاض کا نام شامل ہے۔
خیال رہے کہ گزشتہ روز وفاقی وزیرِاطلاعات فواد چوہدری نے پریس کانفرنس پر کرتے ہوئے بتایا تھا کہ وفاقی کابینہ نے جعلی اکاؤنٹس کیس میں 172 افراد کے نام ای سی ایل میں شامل کرنے کا فیصلہ کرلیا۔وزیر اطلاعات فواد چوہدری نے کہا تھا کہ قومی خزانے کے ایک ایک روپے کا حساب ہوگا، امید ہے آصف علی زرداری جے آئی ٹی کو سنجیدہ لیں گے۔
ای سی ایل میں اومنی گروپ کے جن افراد کا نام شامل کیا گیا ہے ان میں عبدالغنی مجید، علی کمال مجید، انور مجید، خواجہ محمد سلمان یونس، محمد عارف خان، محمد حسن بروہی، مصطفیٰ ذوالقرنین مجید، نازل مجید، نمر مجید اور سید ذیشان علی وارثی شامل ہیںمذکورہ فہرست میں سمت بینک کے سربراہ حسین لوائی کا نام بھی ای سی ایل میں شامل کردیا گیا ہے، جبکہ ان کے علاوہ سابقہ اور موجودہ بیوروکریٹس اور تاجروں کے نام بھی ای سی ایل میں شامل ہیں۔

یہ بھی پڑھیں: جعلی اکاؤنٹس کیس: 107 اکاؤنٹس سے 54 ارب کی ٹرانزیکشنز کا انکشاف

آصف علی زرداری کی صاحبزادی بختاور بھٹو زرداری اپنے والد، بھائی اور پھوپھی کے حق میں بول پڑیں۔

سماجی رابطے کی ویب سائٹ ٹوئٹر پر اپنے ایک پیغام میں ان کا کہنا تھا کہ ایک 'منتخب شدہ حکومت' نے میرے والد، بھائی اور پھوپھی کا نام ای سی ایل میں شامل کردیا گیا، ہمارے خلاف یہ ہتھکنڈے نہیںacy
ایک اور پیغام میں ان کا یہ بھی کہنا تھا کہ اپوزیشن کو ڈرا دھمکا کر اور دباؤ میں لا کر حکومت اپنے غیرقانونی مینڈیٹ کو چھپا نہیں سکتی۔

بختاور بھٹو زرداری نے موجودہ اراکینِ پارلیمنٹ کو جنرل (ر) پرویز مشرف کی باقیات قرار دیا اور کہا کہ ماضی میں بھی ہمارے خاندان نے رسوائی کے مقابلے مy
انہوں نے عزم کا اظہار کرتے ہوئے کہا کہ 'ہم لڑیں گے اور ہم جیتیں گے'۔


کیس کا پس منظر
خیال رہے کہ 2015 کے جعلی اکاؤنٹس اور فرضی لین دین کے مقدمے کے حوالے سے پاکستان پیپلز پارٹی کے شریک چیئرمین آصف زرداری، ان کی بہن فریال تالپور اور ان کے کاروباری شراکت داروں سے تحقیقات کی جارہی ہیں۔

یونائیٹڈ بینک لمیٹیڈ، سندھ بینک اور سمٹ بینک میں موجود ان 29 بے نامی اکاؤنٹس میں موجود رقم کی لاگت ابتدائی طور پر 35ارب روہے بتائی گئی تھی۔

اس سلسلے میں ایف آئی اے نے معروف بینکر حسین لوائی کو گرفتار کیا تھا، جس کے بعد ماہ اگست میں جعلی اکاؤنٹس کیس میں ہی اومنی گروپ کے چیئرمین انور مجید اور ان کے بیٹے عبدالغنی مجید کو بھی گرفتار کر لیا گیا تھا۔

7 ستمبر کو سپریم کورٹ نے سابق صدر مملکت اور ان کی بہن بہن کی جانب سے مبینہ طور پر جعلی اکاؤنٹس کے ذریعے اربوں روپے کی منی لانڈرنگ کیے جانے کے مقدمے کی تحقیقات کے لیے جوائنٹ انویسٹی گیشن ٹیم (جے آئی ٹی) تشکیل دے دی تھی۔

مزید پڑھیں: جعلی اکاؤنٹس کیس: سرکاری اداروں کو ناکارہ بنا کر کوڑیوں کے دام خریدا گیا، جے آئی ٹی رپورٹ

اس جے آئی ٹی نے سابق صدر آصف علی زرداری، ان کی بہت فریال تالپور سے پوچھ گچھ کی تھی جبکہ چیئرمین پی پی پی بلاول بھٹو سے بھی معلومات حاصل کرنے کا فیصلہ کیا تھا۔

آصف علی زرداری نے جے آئی ٹی کو بتایا تھا کہ 2008 سے وہ کسی کاروباری سرگرمی میں ملوث نہیں رہے اور صدر مملکت کا عہدہ سنبھالنے کے