Hadith in Arabic

(۷۷۱۵)۔عَنْ عُبَادَۃَ بْنِ الصَّامِتِ قَالَ دَخَلْتُ عَلٰی رَسُولِ اللّٰہِ صَلَّی اللّٰہُ عَلَیْہِ وَسَلَّمَ أَعُودُہُ وَبِہِ مِنَ الْوَجَعِ مَا یَعْلَمُ اللّٰہُ تَبَارَکَ وَتَعَالٰی بِشِدَّۃٍ ثُمَّ دَخَلْتُ عَلَیْہِ مِنَ الْعَشِیِّ وَقَدْ بَرِئَ أَحْسَنَ بُرْئٍ فَقُلْتُ لَہُ دَخَلْتُ عَلَیْکَ غُدْوَۃً وَبِکَ مِنَ الْوَجَعِ مَا یَعْلَمُ اللّٰہُ بِشِدَّۃٍ وَدَخَلْتُ عَلَیْکَ الْعَشِیَّۃَ وَقَدْ بَرِئْتَ، فَقَالَ: ((یَا ابْنَ الصَّامِتِ إِنَّ جِبْرِیلَ عَلَیْہِ السَّلَامُ رَقَانِی بِرُقْیَۃٍ بَرِئْتُ أَلَا أُعَلِّمُکَہَا قُلْتُ: بَلٰی، قَالَ: بِسْمِ اللّٰہِ أَرْقِیکَ مِنْ کُلِّ شَیْئٍ یُؤْذِیکَ، مِنْ حَسَدِ کُلِّ حَاسِدٍ وَعَیْنٍ، بِسْمِ اللّٰہِ یَشْفِیکَ (وَفِیْ رِوَایَۃٍ) مِنْ حَسَدِ حَاسِدٍ وَکُلِّ عَیْنٍ وَاسْمِ اللّٰہِ یَشْفِیْکَ۔)) (مسند احمد: ۲۳۱۳۹)

Hadith in Urdu

۔ سیدنا عبادہ بن صامت ‌رضی ‌اللہ ‌عنہ بیان کرتے ہیں کہ میں نبی کریم ‌صلی ‌اللہ ‌علیہ ‌وآلہ ‌وسلم کے پاس آپ ‌صلی ‌اللہ ‌علیہ ‌وآلہ ‌وسلم کی تیمار داری کے لئے حاضر ہوا، آپ ‌صلی ‌اللہ ‌علیہ ‌وآلہ ‌وسلم کو اتنی سخت تکلیف تھی کہ اس کی شدت کا اندازہ صرف اللہ تعالیٰ کو ہے، جب میں پچھلے پہر آپ ‌صلی ‌اللہ ‌علیہ ‌وآلہ ‌وسلم کے ہاں حاضر ہوا تو آپ اچھی طرح تندرست ہوچکے تھے، میں نے آپ ‌صلی ‌اللہ ‌علیہ ‌وآلہ ‌وسلم سے عرض کی: میں صبح کے وقت آپ کی خدمت میں حاضر ہوا تھا، اس وقت تو آپ کو اتنی شدید تکلیف تھی کہ بس اللہ ہی جانتا تھا کہ وہ تکلیف کیسی تھی، اب میں آپ کے پاس پچھلے پہر حاضر ہوا ہوں تو آپ صحت یاب ہوچکے ہیں، اس کی کیا وجہ ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: اے صامت کے بیٹے! جبریل علیہ السلام نے مجھے دم کیا ہے، یہ ایسا دم تھا کہ میں صحت یاب ہوگیا ہوں، کیا میں تجھے وہ دم سکھا دوں؟ میں نے کہا: جی کیوں نہیں، آپ ‌صلی ‌اللہ ‌علیہ ‌وآلہ ‌وسلم نے اس دم کی تعلیم دی: بِسْمِ اللّٰہِ أَرْقِیکَ مِنْ کُلِّ شَیْئٍ یُؤْذِیکَ، مِنْ حَسَدِ کُلِّ حَاسِدٍ وَعَیْنٍ، بِسْمِ اللّٰہِ یَشْفِیکَ (اللہ کے نام کے ساتھ تجھے ہر اس چیز سے دم کرتا ہوں جو تجھے ایذا پہنچائے اور ہرحسد والے کے حسد سے اور ہر آنکھ سے، اس اللہ کے نام کے ساتھ جو تجھے شفاء دیتا ہے۔ )ایک روایت میں ہے: ہر حاسد کے حسدسے اور ہر نظر بد سے اللہ کے نام کے ساتھ دم کرتا ہوں جو تجھے شفاء دیتا ہے۔

Hadith in English

.