Hadith in Arabic

(۷۶۴۴)۔عَنْ أُمِّ طَارِقٍ مَوْلَاۃِ سَعْدٍ قَالَتْ: جَائَ النَّبِیُّ صَلَّی اللّٰہُ عَلَیْہِ وَسَلَّمَ إِلٰی سَعْدٍ فَاسْتَأْذَنَ فَسَکَتَ سَعْدٌ ثُمَّ أَعَادَ فَسَکَتَ سَعْدٌ ثُمَّ عَادَ فَسَکَتَ سَعْدٌ فَانْصَرَفَ النَّبِیُّ صَلَّی اللّٰہُ عَلَیْہِ وَسَلَّمَ قَالَتْ فَأَرْسَلَنِی إِلَیْہِ سَعْدٌ أَنَّہُ لَمْ یَمْنَعْنَا أَنْ نَأْذَنَ لَکَ إِلَّا أَنَّا أَرَدْنَا أَنْ تَزِیدَنَا قَالَتْ فَسَمِعْتُ صَوْتًا عَلَی الْبَابِ یَسْتَأْذِنُ وَلَا أَرٰی شَیْئًا، فَقَالَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ: ((مَنْ أَنْتِ؟)) قَالَتْ: أُمُّ مِلْدَمٍ، قَالَ: ((لَا مَرْحَبًا بِکِ وَلَا أَہْلًا أَتَہْدِینَ إِلٰی أَہْلِ قُبَائٍ؟)) قَالَتْ: نَعَمْ قَالَ: ((فَاذْہَبِی إِلَیْہِمْ۔)) (مسند احمد: ۲۷۶۶۸)

Hadith in Urdu

۔ سیدنا سعد بن عبادہ ‌رضی ‌اللہ ‌عنہ کی آزاد کردہ لونڈی سیدہ ام طارق ‌رضی ‌اللہ ‌عنہا بیان کرتی ہیں کہ نبی کریم ‌صلی ‌اللہ ‌علیہ ‌وآلہ ‌وسلم سیدنا سعد ‌رضی ‌اللہ ‌عنہ کے پاس آئے اور ان سے اجازت طلب کی، سیدنا سعد ‌رضی ‌اللہ ‌عنہ خاموش رہے، آپ ‌صلی ‌اللہ ‌علیہ ‌وآلہ ‌وسلم نے دوبارہ اجازت طلب کی، وہ پھرخاموش رہے، نبی کریم ‌صلی ‌اللہ ‌علیہ ‌وآلہ ‌وسلم واپس تشریف لے گئے، ام طارق کہتی ہیں: مجھے سیدنا سعد ‌رضی ‌اللہ ‌عنہ نے آپ ‌صلی ‌اللہ ‌علیہ ‌وآلہ ‌وسلم کی جانب بھیجا کہ میں آپ ‌صلی ‌اللہ ‌علیہ ‌وآلہ ‌وسلم سے عرض کروں کہ ہم نے آپ کو اجازت صرف اس لیے نہیں دی کہ ہم چاہتے تھے کہ آپ ہمیں سلام کی برکات سے مزید نوازتے رہیں، میں نے آپ ‌صلی ‌اللہ ‌علیہ ‌وآلہ ‌وسلم کے دروازے پر آواز سنی کہ کوئی اجازت طلب کر رہاہے، لیکن میں اسے دیکھ نہیں رہی تھی، نبی کریم ‌صلی ‌اللہ ‌علیہ ‌وآلہ ‌وسلم نے فرمایا: تو کون ہے؟ اس نے کہا: میں ام ملدم ہوں، آپ ‌صلی ‌اللہ ‌علیہ ‌وآلہ ‌وسلم نے فرمایا: تجھے کوئی مرحبا نہیں ہے، تجھے کوئی خوش آمدید نہیں ہے، کیا تو قباء والوں کے پاس نہیں چلا جاتا؟ اس نے کہا: ٹھیک ہے، آپ ‌صلی ‌اللہ ‌علیہ ‌وآلہ ‌وسلم نے فرمایا: تو پھر تو ان کی طرف چلا جا۔

Hadith in English

.