Hadith in Arabic

(۷۵۸۰)۔عَنْ عَدِیِّ بْنِ حَاتِمٍ قَالَ: أَتَیْتُ رَسُولَ اللّٰہِ صَلَّی اللّٰہُ عَلَیْہِ وَسَلَّمَ فَعَلَّمَنِی الْإِسْلَامَ وَنَعَتَ لِی الصَّلَاۃَ وَکَیْفَ أُصَلِّی کُلَّ صَلَاۃٍ لِوَقْتِہَا، ثُمَّ قَالَ لِی: ((کَیْفَ أَنْتَ یَا ابْنَ حَاتِمٍ إِذَا رَکِبْتَ مِنْ قُصُورِ الْیَمَنِ لَا تَخَافُ إِلَّا اللّٰہَ حَتّٰی تَنْزِلَ قُصُورَ الْحِیرَۃِ؟)) قَالَ: قُلْتُ: یَا رَسُولَ اللّٰہِ! فَأَیْنَ مَقَانِبُ طَیِّئٍ وَرِجَالُہَا، قَالَ: ((یَکْفِیکَ اللّٰہُ طَیِّئًا وَمَنْ سِوَاہَا۔)) قَالَ: قُلْتُ: یَا رَسُولَ اللّٰہِ! إِنَّا قَوْمٌ نَتَصَیَّدُ بِہٰذِہِ الْکِلَابِ وَالْبُزَاۃِ فَمَا یَحِلُّ لَنَا مِنْہَا؟ قَالَ: ((یَحِلُّ لَکُمْ {مَا عَلَّمْتُمْ مِنَ الْجَوَارِحِ مُکَلِّبِینَ تُعَلِّمُونَہُنَّ مِمَّا عَلَّمَکُمُ اللّٰہُ فَکُلُوا مِمَّا أَمْسَکْنَ عَلَیْکُمْ وَاذْکُرُوا اسْمَ اللّٰہِ عَلَیْہِ} فَمَا عَلَّمْتَ مِنْ کَلْبٍ أَوْ بَازٍ ثُمَّ أَرْسَلْتَ وَذَکَرْتَ اسْمَ اللّٰہِ عَلَیْہِ فَکُلْ مِمَّا أَمْسَکَ عَلَیْکَ۔)) قُلْتُ: وَإِنْ قَتَلَ؟ قَالَ: ((وَإِنْ قَتَلَ وَلَمْ یَأْکُلْ مِنْہُ شَیْئًا فَإِنَّمَا أَمْسَکَہُ عَلَیْکَ۔)) قُلْتُ: أَفَرَأَیْتَ إِنْ خَالَطَ کِلَابَنَا کِلَابٌ أُخْرٰی حِینَ نُرْسِلُہَا؟ قَالَ: ((لَا تَأْکُلْ حَتّٰی تَعْلَمَ أَنَّ کَلْبَکَ ہُوَ الَّذِی أَمْسَکَ عَلَیْکَ۔)) قُلْتُ: یَا رَسُولَ اللّٰہِ! إِنَّا قَوْمٌ نَرْمِی بِالْمِعْرَاضِ فَمَا یَحِلُّ لَنَا؟ قَالَ: ((لَا تَأْکُلْ مَا أَصَبْتَ بِالْمِعْرَاضِ إِلَّا مَا ذَکَّیْتَ۔)) (مسند احمد: ۱۸۴۴۷)

Hadith in Urdu

۔ سیدنا عدی بن حاتم ‌رضی ‌اللہ ‌عنہ سے مروی ہے، وہ کہتے ہیں: میں اللہ کے رسول ‌صلی ‌اللہ ‌علیہ ‌وآلہ ‌وسلم کے پاس آیا تو آپ نے مجھے اسلام کی تعلیم دی اور وضاحت کی کہ میں نے کیسے ہر نماز اس کے وقت پر پڑھنی ہے۔ پھر آپ نے مجھے فرمایا: اے ابن حاتم! تیری اس وقت کیا حالت ہو گی جب تو یمن کے قلعوں پر چڑھے گا، تجھے اللہ کے سوا کسی کا ڈر نہ ہو گا حتی کہ تو حیرہ کے قلعوں میں اترے گا، وہ کہتے ہیں ،میں نے پوچھا :طی قبیلہ کے شہسوار اور پیادہ (جرائم پیشہ) لوگ کہاں ہوں گے؟ آپ نے فرمایا: اللہ تعالیٰ تجھے طی اور دیگر لوگوں سے کافی ہو جائے گا۔ میں نے کہا: اے اللہ کے رسول! ہم لوگ کتوں اور بازوں کے ذریعے شکار کرتے ہیں، ہمارے لیے ان کے شکار میں سے کیا حلال ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: جو شکاری کتے تم نے سدھائے ہیں، اس تعلیم سے جو اللہ تعالیٰ نے تمہیں دے رکھی ہے، ان کے روکے ہوئے شکار کو کھا سکتے ہو اور اس پر اللہ تعالیٰ کا نام لیا ہو اور جو کتایا باز تم نے چھوڑا ہے اور اللہ کا نام ذکر کیا ہے، تو وہ جو شکار روک کر رکھیں، وہ کھا لو۔ میں نے کہا: اگرچہ یہ شکار کو مار بھی دیں؟ آپ ‌صلی ‌اللہ ‌علیہ ‌وآلہ ‌وسلم نے فرمایا: اگرچہ یہ مار بھی دیں، لیکن شکار سے خود نہ کھایا ہو تو انہوں نے شکار تمہارے لیے روکا ہے۔ میں نے کہا: اب یہ فرمائیں کہ چھوڑتے وقت اگر ہمارے کتے کے ساتھ دوسرے کتے مل جل جاتے ہیں تو پھر کیا حکم ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: تم اس وقت تک شکار نہ کھاؤ جب تک تمہیں یہ معلوم نہ ہو جائے کہ یہ شکار تمہارے کتے نے ہی کیا ہے۔ میں نے کہا: اے اللہ کے رسول! ہم تیر کے درمیانی موٹے حصے سے شکار کرتے ہیں، اس میں سے ہمارے لیے کیا حلال ہے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: جو شکار تیر کے اس حصے سے مر جائے، اس کو نہ کھاؤ، الا یہ کہ خود ذبح کر لو۔

Hadith in English

.