Hadith in Arabic

(۷۵۷۲)۔ عَنْ عَبْدِ اللّٰہِ بْنِ عُمَرَ أَمَرَنِی رَسُولُ اللّٰہِ صَلَّی اللّٰہُ عَلَیْہِ وَسَلَّمَ أَنْ آتِیَہُ بِمُدْیَۃٍ وَہِیَ الشَّفْرَۃُ فَأَتَیْتُہُ بِہَا فَأَرْسَلَ بِہَا فَأُرْہِفَتْ ثُمَّ أَعْطَانِیہَا وَقَالَ: ((اُغْدُ عَلَیَّ بِہَا۔)) فَفَعَلْتُ فَخَرَجَ بِأَصْحَابِہِ إِلٰی أَسْوَاقِ الْمَدِینَۃِ وَفِیہَا زِقَاقُ خَمْرٍ، قَدْ جُلِبَتْ مِنَ الشَّامِ فَأَخَذَ الْمُدْیَۃَ مِنِّی فَشَقَّ مَا کَانَ مِنْ تِلْکَ الزِّقَاقِ بِحَضْرَتِہِ ثُمَّ أَعْطَانِیہَا وَأَمَرَ أَصْحَابَہُ الَّذِینَ کَانُوا مَعَہُ أَنْ یَمْضُوا مَعِی وَأَنْ یُعَاوِنُونِی وَأَمَرَنِی أَنْ آتِیَ الْأَسْوَاقَ کُلَّہَا فَلَا أَجِدُ فِیہَا زِقَّ خَمْرٍ إِلَّا شَقَقْتُہُ فَفَعَلْتُ فَلَمْ أَتْرُکْ فِی أَسْوَاقِہَا زِقًّا إِلَّا شَقَقْتُہُ۔ (مسند احمد: ۶۱۶۵)

Hadith in Urdu

۔ سیدنا عبد اللہ بن عمر ‌رضی ‌اللہ ‌عنہما بیان کرتے ہیں کہ نبی کریم ‌صلی ‌اللہ ‌علیہ ‌وآلہ ‌وسلم نے مجھے حکم دیا کہ میں آپ کے پاس چھری لاؤں، میں چھری لے آیا، آپ ‌صلی ‌اللہ ‌علیہ ‌وآلہ ‌وسلم نے وہ چھری تیز کرنے کے لیے بھیجی، پس اس کو تیز کیا گیا، پھر مجھے دے دی اور فرمایا: یہ چھری لے کر صبح کو میرے پاس آنا۔ پس میں نے ایسے ہی کیا، آپ ‌صلی ‌اللہ ‌علیہ ‌وآلہ ‌وسلم اپنے ساتھیوں کے ساتھ مدینہ کے بازاروں میں نکلے، بازاروں میں شراب کی مشکیں تھیں، جو شام سے لائی گئی تھیں، آپ ‌صلی ‌اللہ ‌علیہ ‌وآلہ ‌وسلم نے مجھ سے وہ چھری لے لی اور جومشکیں موجود تھیں، ان سب کو چاک کر دیا، اور پھر چھری مجھے دے دی اور آپ ‌صلی ‌اللہ ‌علیہ ‌وآلہ ‌وسلم کے ساتھ جتنے ساتھی تھے، آپ ‌صلی ‌اللہ ‌علیہ ‌وآلہ ‌وسلم نے انہیں یہ حکم دیا کہ وہ میرے ساتھ چلیں اور مجھ سے تعاون کریں اور مجھے حکم دیا کہ میں بازاروں میں جاؤں اور شراب کی جو بھی مشک پاؤں، اسے پھاڑ ڈالوں، پس میں نے ایسے ہی کیا، میں نے بازاروں میں کوئی شراب کی ایسی مشک نہ چھوڑی، جسے میں نے چیر نہ ڈالا ہو۔

Hadith in English

.