Hadith in Arabic

(۷۲۷۹)۔عَنْ عَلِیٍّ، قَالَ: لَمَّا خَرَجْنَا مِنْ مَکَّۃَ اِتَّبَعَتْنَا ابْنَۃُ حَمْزَۃَ فَنَادَتْ: یَاعَمِّ یَا عَمِّ! فَأَخَذْتُ بِیَدِھَا فَنَاوَلَتْھَا فَاطِمَۃُ قُلْتُ: دُوْنَکِ ابْنَۃَ عَمِّکِ، فَلَمَّا قَدِمْنَا الْمَدِیْنَۃَ اخْتَصَمْنَا فِیْھَا أَنَا وَزَیْدٌ وَجَعْفَرٌ، فَقُلْتُ: أَنَا أَخَذْتُھَا وَھِیَ ابْنَۃُ عَمِّی، وَقَالَ زَیْدٌ: ابْنَۃُ أَخِیْ وَقَالَ جَعْفَرٌ: أِبْنَۃُ عَمِّی، وَخَالَتُھَا عِنْدِی، فَقَالَ رَسُوْلُ اللّٰہِ لِجَعْفَرٍ: ((أَشْبَھْتَ خُلُقِی وَخَلْقِی۔))وَقَالَ لِزَیْدٍ: ((أَنْتَ أَخُوْنَا وَمَوْلَانَا۔)) وَقَالَ لِی: ((أَنْتَ مِنِّی وَأَنَا مِنْکَ، اِدْفَعُوْھَا إِلٰی خَالَتِھَا، فَإِنَّ الْخَالَۃَ أُمٌّ۔)) فَقُلْتُ: أَلَا تُزَوِّجُھَا یَارَسُوْلَ اللّٰہِ؟ قَالَ: ((إِنَّھَا ابْنَۃُ أَخِی مِنَ الرَّضَاعَۃِ۔)) (مسند احمد: ۷۷۰)

Hadith in Urdu

۔ سیدنا علی ‌رضی ‌اللہ ‌عنہ کہتے ہیں: ہم مکہ سے نکلے، حمزہ ‌رضی ‌اللہ ‌عنہ کی بیٹی ہمارے پیچھے چل پڑی اور آواز دی: میرے چچا جان! میرے چچا جان! سو میں نے اس کا ہاتھ پکڑ لیا اور اسے فاطمہ ‌رضی ‌اللہ ‌عنہا کے حوالے کرتے ہوئے کہا: یہ تیرے چچا کی بیٹی ہے، اس کو اپنی نگہداشت میں رکھ۔ جب ہم مدینہ پہنچے تو اس کے بارے میں، زید ‌رضی ‌اللہ ‌عنہ اور جعفر ‌رضی ‌اللہ ‌عنہ تینوں جھگڑنے لگے۔ میں نے کہا: میں اس کو لے کر آیا ہوں اور یہ میرے چچا کی بیٹی ہے۔ زیدنے کہا: یہ میرے بھائی کی بیٹی ہے اور جعفر نے کہا : یہ میرے چچا کی بیٹی ہے اور اس کی خالہ میری بیوی ہے۔ رسول اللہ ‌صلی ‌اللہ ‌علیہ ‌وآلہ ‌وسلم نے (فیصلہ کرتے ہوئے) جعفر سے فرمایا: تو پیدائشی اور اخلاقی اوصاف میں میرے مشابہ ہے۔ زید سے فرمایا: تو ہمارا بھائی اور دوست ہے۔ اور مجھ (علی) کو فرمایا: تو مجھ سے ہے اور میں تجھ سے ہوں۔ اس طرح کرو کہ یہ بچی اس کی خالہ کے حوالے کر دو، کیونکہ خالہ ماں ہی ہوتی ہے۔ میں نے کہا: اے اللہ کے رسول! آپ ‌صلی ‌اللہ ‌علیہ ‌وآلہ ‌وسلم اس سے شادی کیوں نہیں کرلیتے؟ آپ ‌صلی ‌اللہ ‌علیہ ‌وآلہ ‌وسلم نے فرمایا: یہ میری رضاعی بھتیجی ہے۔

Hadith in English

.