Hadith in Arabic

(۷۲۴۲)۔عَنْ فُرَیْعَۃَ بِنْتِ مَالِکٍ قَالَتْ خَرَجَ زَوْجِی فِی طَلَبِ أَعْلَاجٍ لَہُ فَأَدْرَکَہُمْ بِطَرَفِ الْقَدُومِ فَقَتَلُوہُ فَأَتَانِی نَعْیُہُ وَأَنَا فِی دَارٍ شَاسِعَۃٍ مِنْ دُورِ أَہْلِی فَأَتَیْتُ رَسُولَ اللّٰہِ صَلَّی اللّٰہُ عَلَیْہِ وَسَلَّمَ فَذَکَرْتُ ذٰلِکَ لَہُ فَقُلْتُ إِنَّ نَعْیَ زَوْجِی أَتَانِی فِی دَارٍ شَاسِعَۃٍ مِنْ دُورِ أَہْلِی وَلَمْ یَدَعْ لِی نَفَقَۃً وَلَا مَالًا لِوَرَثَتِہِ وَلَیْسَ الْمَسْکَنُ لَہُ فَلَوْ تَحَوَّلْتُ إِلَی أَہْلِی وَأَخْوَالِی لَکَانَ أَرْفَقَ بِی فِی بَعْضِ شَأْنِی قَالَ: ((تَحَوَّلِی۔)) فَلَمَّا خَرَجْتُ إِلَی الْمَسْجِدِ أَوْ إِلَی الْحُجْرَۃِ دَعَانِی أَوْ أَمَرَ بِی فَدُعِیتُ فَقَالَ: ((اُمْکُثِی فِی بَیْتِکِ الَّذِی أَتَاکِ فِیہِ نَعْیُ زَوْجِکِ حَتّٰی یَبْلُغَ الْکِتَابُ أَجَلَہُ۔)) قَالَتْ فَاعْتَدَدْتُ فِیہِ أَرْبَعَۃَ أَشْہُرٍ وَعَشْرًا قَالَتْ فَأَرْسَلَ إِلَیَّ عُثْمَانُ فَأَخْبَرْتُہُ فَأَخَذَ بِہِ۔ (مسند احمد: ۲۷۶۲۷)

Hadith in Urdu

۔ سیدہ فریعہ بنت مالک ‌رضی ‌اللہ ‌عنہا سے مروی ہے ، وہ کہتی ہیں: میرا خاوند اپنے مضبوط جسم والے غلاموں کی تلاش میں نکلا، جوبھاگ گئے تھے، اس نے ان غلاموں کو قدوم مقام پر پا تو لیا، لیکن ہوا یوں کہ انہوں نے مل کر میرے خاوند کو قتل کر دیا، میرے خاندان والوں کے اس گھر میں مجھے میرے خاوند کی موت کی اطلاع ملی جو آباد ی سے دور تھا اور نہ ہی میرے خاوند نے میرے لئے کوئی خرچہ چھوڑا تھا، نہ ہی ورثاء کے لیے کوئی مال چھوڑا اور نہ ہی ان کا اپنا گھر ہے، میں نے نبی کریم ‌صلی ‌اللہ ‌علیہ ‌وآلہ ‌وسلم کی خدمت میں حاضر ہو کر یہ ساری باتیں بیان کیں اور میں نے اجازت طلب کی کہ میں اپنے ماموؤں کے گھر میں اگر منتقل ہو جاؤں تو میرے لیے زیادہ بہتر ہے، آپ ‌صلی ‌اللہ ‌علیہ ‌وآلہ ‌وسلم نے فرمایا: ٹھیک ہے، منتقل ہو جاؤ۔ جب میں آپ کے پاس سے نکل کر مسجد یا حجرہ تک ہی پہنچی تھی تو آپ ‌صلی ‌اللہ ‌علیہ ‌وآلہ ‌وسلم نے مجھے بلایا اور فرمایا: اپنے اسی گھر میں عدت پوری ہونے تک ٹھہری رہو، جس میں تمہارے خاوند کی وفات کی اطلاع آئی تھی۔ پس میں نے اسی گھر میں چار ماہ دس دن عدت گزاری۔ سیدنا عثمان ‌رضی ‌اللہ ‌عنہ نے اپنے دورِ خلافت میں میری طرف پیغام بھیجا، میں نے انہیں اس مسئلہ کی خبر دی تو پھر انہوں نے اسی کے مطابق عمل کیا تھا۔

Hadith in English

.