Hadith in Arabic

۔ (۱۳۰۹۸)۔ عَنْ طَلْقِ بْنِ حَبِیْبٍ قَالَ: کُنْتُ مِنْ اَشَدِّ النَّاسِ تَکْذِیْبًا بِالشَّفَاعَۃِ حَتّٰی لَقِیْتُ جَابِرَ بْنَ عَبْدِ اللّٰہِ فَقَرَأْتُ عَلَیْہِ کُلَّ آیَۃٍ ذَکَرَھَا اللّٰہُ عَزَّوَجَلَّ فِیْہَا خُلُوْدَ اَھْلِ النَّارِ فَقَالَ: یَا طَلْقُ! اَتَرَاکَ أَقْرَأَ لِکِتَابِ اللّٰہِ مِنِّیْ وَاَعْلَمَ بِسِنَّۃِ رَسُوْلِ اللّٰہِ ‌صلی ‌اللہ ‌علیہ ‌وآلہ ‌وسلم ، فَاتُّضِعْتُ لَہُ فَقُلْتُ: لَا، وَاللّٰہِ! بَلْ اَنْتَ اَقْرَاُ لِکِتَابِ اللّٰہِ مِنِّی وَاَعْلَمُ بِسُنَّتِہِ مِنِّیْ، قَالَ: فَاِنَّ الَّذِیْ قَرَاْتَ اَھْلُہَا ھُمُ الْمُشْرِکُوْنَ وَلٰکِنْ قَوْمٌ اَصَابُوْا ذُنُوْبًا فَعُذِّبُوْا بِہَا ثُمَّ اُخْرِجُوْا، صُمَّتَا وَاَھْوٰی بِیَدَیْہِ اِلٰی اُذُنَیْہِ اِنْ لَمْ اَکُنْ سَمِعْتُہُ مِنْ رَسُوْلِ اللّٰہِ ‌صلی ‌اللہ ‌علیہ ‌وآلہ ‌وسلم یَقُوْلُ: ((یُخْرَجُوْنَ مِنَ النَّارِ۔)) وَنَحْنُ نَقْرَاُ مَا نَقْرَاُ۔ (مسند احمد: ۱۴۵۸۸)

Hadith in Urdu

طلق بن حبیب کہتے ہیں: میں شفاعت کی سب سے زیادہ تکذیب کرنے والا تھا، ایک دن میری ملاقات سیدنا جابر بن عبد اللہ ‌رضی ‌اللہ ‌عنہ سے ہوئی، میں نے ان کے سامنے وہ تمام آیات پڑھ ڈالیں، جن میں اللہ تعالیٰ نے یہ بات ذکر کی ہے کہ جہنمی لوگ ہمیشہ ہمیشہ جہنم میں رہیں گے، سیدنا جابر ‌رضی ‌اللہ ‌عنہ نے کہا: اے طلق! کیا آپ یہی سمجھتے ہیں کہ آپ مجھ سے بڑھ کر اللہ کی کتاب اور رسول اللہ ‌صلی ‌اللہ ‌علیہ ‌وآلہ ‌وسلم کی سنت کا علم رکھتے ہیں؟ میں نے عاجزی کا اظہار کرتے ہوئے کہا: نہیں نہیں، اللہ کی قسم! آپ تو مجھ سے بڑھ کر اللہ تعالیٰ کی کتاب اور رسول اللہ ‌صلی ‌اللہ ‌علیہ ‌وآلہ ‌وسلم کی سنت کو جانتے اور سمجھتے ہیں۔ سیدنا جابر ‌رضی ‌اللہ ‌عنہ نے کہا: تم نے جس قدر آیات پڑھی ہیں، ان میں اس بات کا ذکر ہے کہ مشرک لوگ ہمیشہ ہمیشہ کے لیے جہنم میں رہیں گے، (رہا ان مسلمانوں کا مسئلہ) جنھوں نے بعض گناہوں کا ارتکاب کیا ہے تو انھیں بالآخر آگ سے نکال لیا جائے گا، اس کے ساتھ ہی انھوں نے اپنے دونوں ہاتھوں سے کانوں کی طرف اشارہ کیا اور کہا : اگر میں نے یہ حدیث رسول اللہ ‌صلی ‌اللہ ‌علیہ ‌وآلہ ‌وسلم سے نہ سنی ہو تو میرے یہ کان بہر ے ہوجائیں، آپ ‌صلی ‌اللہ ‌علیہ ‌وآلہ ‌وسلم نے فرمایا: گنہگاروں کو جہنم سے نکال لیا جائے گا۔ اور ہم جو کچھ پڑھتے ہیں، وہ پڑھ تو لیتے ہیں، (لیکن اس کا مفہوم نہیں سمجھتے)۔

Hadith in English

.