Hadith in Arabic

۔ (۱۲۲۷۲)۔ عَنِ الْجُرَیْرِیِّ، عَنْ ثُمَامَۃَ بْنِ حَزْنٍ الْقُشَیْرِیِّ قَالَ: شَہِدْتُ الدَّارَ یَوْمَ أُصِیبَ عُثْمَانُ رَضِیَ اللّٰہُ عَنْہُ، فَاطَّلَعَ عَلَیْہِمْ اطِّلَاعَۃً، فَقَالَ: ادْعُوا لِی صَاحِبَیْکُمْ اللَّذَیْنِ أَلَبَّاکُمْ عَلَیَّ، فَدُعِیَا لَہُ فَقَالَ: نَشَدْتُکُمَا اللّٰہَ أَتَعْلَمَانِ أَنَّ رَسُولَ اللّٰہِ صَلَّی اللّٰہُ عَلَیْہِ وَسَلَّمَ لَمَّا قَدِمَ الْمَدِینَۃَ ضَاقَ الْمَسْجِدُ بِأَہْلِہِ، فَقَالَ: ((مَنْ یَشْتَرِی ہٰذِہِ الْبُقْعَۃَ مِنْ خَالِصِ مَالِہِ؟ فَیَکُونَ فِیہَا کَالْمُسْلِمِینَ، وَلَہُ خَیْرٌ مِنْہَا فِی الْجَنَّۃِ۔)) فَاشْتَرَیْتُہَا مِنْ خَالِصِ مَالِی، فَجَعَلْتُہَا بَیْنَ الْمُسْلِمِینَ، وَأَنْتُمْ تَمْنَعُونِی أَنْ أُصَلِّیَ فِیہِ رَکْعَتَیْنِ، ثُمَّ قَالَ: أَنْشُدُکُمُ اللّٰہَ أَتَعْلَمُونَ أَنَّ رَسُولَ اللّٰہِ صَلَّی اللّٰہُ عَلَیْہِ وَسَلَّمَ لَمَّا قَدِمَ الْمَدِینَۃَ لَمْ یَکُنْ فِیہَا بِئْرٌ یُسْتَعْذَبُ مِنْہُ إِلَّا رُومَۃَ، فَقَالَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ: ((مَنْ یَشْتَرِیہَا مِنْ خَالِصِ مَالِہِ؟ فَیَکُونَ دَلْوُہُ فِیہَا کَدُلِیِّ الْمُسْلِمِینَ، وَلَہُ خَیْرٌ مِنْہَا فِی الْجَنَّۃِ؟)) فَاشْتَرَیْتُہَا مِنْ خَالِصِ مَالِی، فَأَنْتُمْ تَمْنَعُونِی أَنْ أَشْرَبَ مِنْہَا، ثُمَّ قَالَ: ہَلْ تَعْلَمُونَ أَنِّی صَاحِبُ جَیْشِ الْعُسْرَۃِ؟ قَالُوْا: اللَّہُمَّ نَعَمْ۔ (مسند احمد: ۵۵۵)

Hadith in Urdu

ثمامہ بن حزن قشیری سے مروی ہے کہ جس روز سیدنا عثمان ‌رضی ‌اللہ ‌عنہ کو شہید کیا گیا، میں اس روز ان کے مکان پر حاضر تھا، عثمان ‌رضی ‌اللہ ‌عنہ نے لوگوں کی طرف جھانک کر کہا: لوگو تم اپنے ان دو سرکردہ آدمیوں کو بلاؤ، جنہوں نے تمہیں میرے خلاف اکسایاہے۔ پس جب انہیں بلایا گیا تو انھوں نے کہا: میں آپ لوگوں کو اللہ کاواسطہ دے کر پوچھتا ہوں آیا تم جانتے ہو کہ جب اللہ کے رسول ‌صلی ‌اللہ ‌علیہ ‌وآلہ ‌وسلم مدینہ منورہ تشریف لائے اور نمازیوں کے لیے مسجد تنگ ہو گئی تو آپ ‌صلی ‌اللہ ‌علیہ ‌وآلہ ‌وسلم نے فرمایا: کیا کوئی ایسا آدمی ہے جو اپنے خالص مال سے اس قطعہ زمین کو خرید کر مسجد میں شامل کردے اور اس کا اس قطعۂ زمین پر کوئی استحقاق نہ ہو، بلکہ وہ عام مسلمانوں کی طرح ہی اس پر حق رکھتا ہو اور اسے اس کے عوض جنت میں اس سے بہتر جگہ ملے گی۔ تو میں نے اپنے خالص ذاتی مال سے وہ قطعہ خرید کر مسلمانوں کے لیے وقف کردیا، لیکن اب حال یہ ہے کہ تم لوگ مجھے اس مسجد میں دو رکعت نماز پڑھنے سے بھی روکتے ہو۔ پھر کہا: میں تمہیں اللہ کا واسطہ دے کر پوچھتا ہوں کہ کیا تم جانتے ہو کہ رسول اللہ ‌صلی ‌اللہ ‌علیہ ‌وآلہ ‌وسلم جب مدینہ منورہ تشریف لائے تو رومہ کے کنوئیں کے علاوہ کوئی کنواں شیریں پانی کا نہیں تھا، رسول اللہ ‌صلی ‌اللہ ‌علیہ ‌وآلہ ‌وسلم نے فرمایا: کون ہے جو اپنے ذاتی مال سے یہ کنواں خرید کر مسلمانوں کے لیے وقف کر دے اور اس میں اس کا حصہ بھی عام مسلمانوں کی طرح ہی ہو، اس کے عوض اس کے لیے جنت میں اس سے بہتر کنواں ہو گا۔ تو میں نے یہ کنوں اپنے ذاتی مال سے خریدا تھا، لیکن اب حال یہ ہے کہ تم مجھے اس سے پانی تک پینے نہیں دیتے۔ پھر سیدنا عثمان ‌رضی ‌اللہ ‌عنہ نے کہا: کیا تم جانتے ہو کہ میں جیش العسرۃ یعنی غزوہ تبوک کے لشکر کو تیار کرنے والا ہوں؟ لوگوں نے کہا: اللہ گواہ ہے کہ یہ سب باتیں درست ہیں۔

Hadith in English

.