Hadith in Arabic

۔ (۱۱۹۶۵)۔ حَدَّثَنِی أَبُو کَثِیرٍ، حَدَّثَنِی أَبُوہُرَیْرَۃَ وَقَالَ لَنَا: وَاللّٰہِ مَا خَلَقَ اللّٰہُ مُؤْمِنًا یَسْمَعُ بِی وَلَا یَرَانِی إِلَّا أَحَبَّنِی، قُلْتُ: وَمَا عِلْمُکَ بِذٰلِکَ یَا أَبَا ہُرَیْرَۃَ؟ قَالَ: إِنَّ أُمِّی کَانَتْ امْرَأَۃً مُشْرِکَۃً، وَإِنِّی کُنْتُ أَدْعُوہَا إِلَی الْإِسْلَامِ، وَکَانَتْ تَأْبٰی عَلَیَّ، فَدَعَوْتُہَا یَوْمًا فَأَسْمَعَتْنِی فِی رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم مَا أَکْرَہُ، فَأَتَیْتُ رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم وَأَنَا أَبْکِی، فَقُلْتُ: یَا رَسُولَ اللّٰہِ! إِنِّی کُنْتُ أَدْعُو أُمِّی إِلَی الْإِسْلَامِ وَکَانَتْ تَأْبَی عَلَیَّ، وَإِنِّی دَعَوْتُہَا الْیَوْمَ فَأَسْمَعَتْنِی فِیکَ مَا أَکْرَہُ، فَادْعُ اللّٰہَ أَنْ یَہْدِیَ أُمَّ أَبِی ہُرَیْرَۃَ، فَقَالَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم ((اللَّہُمَّ اہْدِ أُمَّ أَبِی ہُرَیْرَۃَ۔)) فَخَرَجْتُ أَعْدُو أُبَشِّرُہَا بِدُعَائِ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم فَلَمَّا أَتَیْتُ الْبَابَ إِذَا ہُوَ مُجَافٍ وَسَمِعْتُ خَضْخَضَۃَ الْمَائِ، وَسَمِعْتُ خَشْفَ رِجْلٍ یَعْنِی وَقْعَہَا، فَقَالَتْ: یَا أَبَا ہُرَیْرَۃَ کَمَا أَنْتَ ثُمَّ فَتَحَتِ الْبَابَ وَقَدْ لَبِسَتْ دِرْعَہَا وَعَجِلَتْ عَنْ خِمَارِہَا، فَقَالَتْ: إِنِّی أَشْہَدُ أَنْ لَا إِلٰہَ إِلَّا اللّٰہُ وَأَنَّ مُحَمَّدًا عَبْدُہُ وَرَسُولُہُ ‌صلی ‌اللہ ‌علیہ ‌وآلہ ‌وسلم فَرَجَعْتُ إِلٰی رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم أَبْکِی مِنَ الْفَرَحِ کَمَا بَکَیْتُ مِنَ الْحُزْنِ، فَقُلْتُ: یَا رَسُولَ اللّٰہِ! أَبْشِرْ فَقَدِ اسْتَجَابَ اللّٰہُ دُعَائَ کَ وَقَدْ ہَدٰی أُمَّ أَبِی ہُرَیْرَۃَ، فَقُلْتُ: یَارَسُولَ اللّٰہِ! ادْعُ اللّٰہَ أَنْ یُحَبِّبَنِی أَنَا وَأُمِّی إِلٰی عِبَادِہِ الْمُؤْمِنِینَ وَیُحَبِّبُہُمْ إِلَیْنَا، فَقَالَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم ((اللَّہُمَّ حَبِّبْ عُبَیْدَکَ ھٰذَا وَأُمَّہُ اِلٰی عِبَادِکَ الْمُؤْمِنِیْنَ وَجَبِّبْہِمْ اِلَیْہِمَا۔)) فَمَا خَلَقَ اللّٰہُ مُؤْمِنًا یَسْمَعُ بِیْ وَلَا یَرَانِیْ أَوْ یَرٰی أُمِّیْ إِلَّا وَھُوَ یُحِبُّنِیْ۔ (مسند احمد: ۸۲۴۲)

Hadith in Urdu

ابوکثیر سے روایت ہے کہ سیدنا ابو ہریرہ ‌رضی ‌اللہ ‌عنہ نے ہم سے بیان کرتے ہوئے کہا: اللہ کی قسم! اللہ نے جس کسی مومن کو پیدا کیا اور اس نے میر ے متعلق محض سنا ہو، دیکھا نہ بھی ہو تو وہ مجھ سے محبت کرتا ہے۔ ابو کثیر کہتے ہیں: میں نے ان سے دریافت کیا کہ ابو ہریرہ! آپ کو اس بات کا کیا علم کہ ہر مومن آپ سے محبت رکھتا ہے؟ انہوں نے کہا: میری والدہ مشرک عورت تھی، میں اس کو اسلام کی دعوت دیا کرتا تھا اور وہ میری بات کو قبول کرنے سے انکار کرتی رہتی تھی۔ ایک دن میں نے ان کو اسلام کی دعوت دی تو اس نے مجھ سے رسول اللہ ‌صلی ‌اللہ ‌علیہ ‌وآلہ ‌وسلم کے متعلق ایسی ایسی باتیں کہیں جو مجھے قطعاً اچھی نہ لگیں، میں رسول اللہ ‌صلی ‌اللہ ‌علیہ ‌وآلہ ‌وسلم کی خدمت میں جا کر رونے لگا اور عرض کیا: اے اللہ کے رسول! میں اپنی والدہ کو اسلام کی دعوت دیا کرتا تھا اور وہ میری دعوت کو قبول کرنے سے انکار کرتی رہتی تھی، میں نے آج بھی اسے اسلام کی دعوت دی تو اس نے آپ کے متعلق ایسی ایسی ناگواری باتیں کہی ہیں، جو مجھے قطعاً پسند نہیں، آپ اللہ سے دعا فرمائیں کہ وہ میری ماں کو ہدایت سے سر فراز فرما دے، (پس آپ ‌صلی ‌اللہ ‌علیہ ‌وآلہ ‌وسلم نے دعا کی)۔ میں دوڑتا ہوا اپنی والدہ کی طرف گیا تاکہ جا کر اسے رسول اللہ ‌صلی ‌اللہ ‌علیہ ‌وآلہ ‌وسلم کی دعا کی بشارت دے سکوں، میں دروازے پر پہنچا تو دروازہ اندر سے بند تھا۔ میں نے پانی کے گرنے کی آواز سنی اور میں نے جوتوں کی آواز بھی سنی۔ اندر سے میری والدہ نے کہا: ابو ہریرہ! ذرا ٹھہرے رہو۔ کچھ دیر بعد اس نے دروازہ کھولا۔اس نے قمیص پہنی اور سر پر اوڑھنی لینے سے بھی پہلے پکار اٹھی: إِنِّی أَشْہَدُ أَنْ لَا إِلَہَ إِلَّا اللّٰہُ وَأَنَّ مُحَمَّدًا عَبْدُہُ وَرَسُولُہُ۔میں جس طرح کچھ دیر قبل غم کی وجہ سے روتا ہوا آپ کی خدمت میں گیا تھا، اب اسی طرح خوشی کی شدت سے روتا ہوا میں آپ کی خدمت میں پہنچا اور عرض کیا: اے اللہ کے رسول! مبارک ہو، اللہ نے آپ کی دعا قبول فرمائی اور ابوہریرہ ‌رضی ‌اللہ ‌عنہ کی ماں کو ہدایت سے سرفراز کر دیا ہے۔ میں نے عرض کیا: اے اللہ کے رسول! آپ اللہ سے دعا فرمائیں کہ وہ مجھے اور میری ماں کو اپنے تمام اہل ایمان بندوں کی نظروں میں محبوب بنا دے اور تمام اہل ایمان کو ہمارے ہاں محبوب بنادے۔ رسول اللہ ‌صلی ‌اللہ ‌علیہ ‌وآلہ ‌وسلم نے دعا فرمائی: یا اللہ!تو اپنے اس بندے (ابوہریرہ ‌رضی ‌اللہ ‌عنہ ) اور اس کی والدہ کو اپنے تمام اہل ایمان بندوں کا محبوب بنا دے اور تمام اہل ایمان کو ان دونوں کا محبوب بنا دے۔ اس دعا کی برکت سے اب ہر وہ مومن جو میرے متعلق سنتا ہے، خواہ اس نے مجھے یا میری والدہ کو نہ بھی دیکھا ہو، وہ مجھ سے محبت کرتا ہے۔

Hadith in English

.