Hadith in Arabic

۔ (۱۱۹۰۰)۔ عَنْ رَجَائِ بْنِ حَیْوَۃَ، عَنْ أَبِی أُمَامَۃَ قَالَ: أَنْشَأَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم غَزْوَۃً، فَأَتَیْتُہُ فَقُلْتُ: یَا رَسُولَ اللّٰہِ! ادْعُ اللّٰہَ لِی بِالشَّہَادَۃِ، فَقَالَ: ((اللَّہُمَّ سَلِّمْہُمْ وَغَنِّمْہُمْ۔)) قَالَ: فَسَلِمْنَا وَغَنِمْنَا، قَالَ: ثُمَّ أَنْشَأَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم غَزْوًا ثَانِیًا فَأَتَیْتُہُ فَقُلْتُ: یَا رَسُولَ اللّٰہِ! ادْعُ اللّٰہَ لِی بِالشَّہَادَۃِ، فَقَالَ: ((اللَّہُمَّ سَلِّمْہُمْ وَغَنِّمْہُمْ۔)) قَالَ ثُمَّ أَنْشَأَ غَزْوًا ثَالِثًا فَأَتَیْتُہُ فَقُلْتُ: یَا رَسُولَ اللّٰہِ! إِنِّی أَتَیْتُکَ مَرَّتَیْنِ قَبْلَ مَرَّتِی ہٰذِہِ فَسَأَلْتُکَ أَنْ تَدْعُوَ اللّٰہَ لِی بِالشَّہَادَۃِ، فَدَعَوْتَ اللّٰہَ عَزَّ وَجَلَّ أَنْ یُسَلِّمَنَا وَیُغَنِّمَنَا، فَسَلِمْنَا وَغَنِمْنَا یَا رَسُولَ اللّٰہِ، فَادْعُ اللّٰہَ لِی بِالشَّہَادَۃِ، فَقَالَ: ((اللَّہُمَّ سَلِّمْہُمْ وَغَنِّمْہُمْ۔)) قَالَ: فَسَلِمْنَا وَغَنِمْنَا، ثُمَّ أَتَیْتُہُ فَقُلْتُ: یَا رَسُولَ اللّٰہِ! مُرْنِی بِعَمَلٍ قَالَ: ((عَلَیْکَ بِالصَّوْمِ فَإِنَّہُ لَا مِثْلَ لَہُ۔)) قَالَ: فَمَا رُئِیَ أَبُو أُمَامَۃَ وَلَا امْرَأَتُہُ وَلَا خَادِمُہُ إِلَّا صُیَّامًا، قَالَ: فَکَانَ إِذَا رُئِیَ فِی دَارِہِمْ دُخَانٌ بِالنَّہَارِ قِیلَ اعْتَرَاہُمْ ضَیْفٌ، نَزَلَ بِہِمْ نَازِلٌ، قَالَ: فَلَبِثَ بِذٰلِکَ مَا شَائَ اللَّہُ، ثُمَّ أَتَیْتُہُ فَقُلْتُ: یَا رَسُولَ اللّٰہِ! أَمَرْتَنَا بِالصِّیَامِ فَأَرْجُو أَنْ یَکُونَ قَدْ بَارَکَ اللّٰہُ لَنَا فِیہِ یَا رَسُولَ اللّٰہِ فَمُرْنِی بِعَمَلٍ آخَرَ، قَالَ: ((اعْلَمْ أَنَّکَ لَنْ تَسْجُدَ لِلَّہِ سَجْدَۃً إِلَّا رَفَعَ اللّٰہُ لَکَ بِہَا دَرَجَۃً وَحَطَّ عَنْکَ بِہَا خَطِیئَۃً۔)) (مسند احمد: ۲۲۴۹۲)

Hadith in Urdu

سیدنا ابو امامہ ‌رضی ‌اللہ ‌عنہ سے مروی ہے کہ رسول اللہ ‌صلی ‌اللہ ‌علیہ ‌وآلہ ‌وسلم نے ایک غزوہ تیار کیا، میں نے آپ ‌صلی ‌اللہ ‌علیہ ‌وآلہ ‌وسلم کی خدمت میں حاضر ہو کر درخواست کی: اے اللہ کے رسول! آپ اللہ تعالیٰ سے میرے حق میں شہید ہونے کی دعا فرمائیں۔ لیکن آپ ‌صلی ‌اللہ ‌علیہ ‌وآلہ ‌وسلم نے یوں دعا کی: یا اللہ! ان کو سلامت رکھ اور انہیں غنیمت سے سر فراز فرما۔ پس اس دعا کے نتیجے میں ہم سلامت رہے اور مال غنیمت لے کر واپس ہوئے۔ اس کے بعد پھر ایک موقع پر رسول اللہ ‌صلی ‌اللہ ‌علیہ ‌وآلہ ‌وسلم نے غزوہ کی تیاری کی، میں نے آپ ‌صلی ‌اللہ ‌علیہ ‌وآلہ ‌وسلم کی خدمت میں حاضر ہو کر عرض کیا: اے اللہ کے رسول! اب کی بار تو آپ اللہ تعالیٰ سے میرے لیے شہادت کی دعا فرمائیں۔ لیکن رسول اللہ ‌صلی ‌اللہ ‌علیہ ‌وآلہ ‌وسلم نے یوں دعا کی: یا اللہ! انہیں سلامت رکھ اور انہیں مال غنیمت سے سرفراز فرما۔ آپ ‌صلی ‌اللہ ‌علیہ ‌وآلہ ‌وسلم کی اس دعا کی برکت سے ہم صحیح سلامت رہے اور مال غنیمت سمیت واپس ہوئے۔ اس کے بعد پھر آپ ‌صلی ‌اللہ ‌علیہ ‌وآلہ ‌وسلم نے تیسرے غزوے کی تیاری کی ہے، میں نے آپ کی خدمت میں آکر عرض کیا: اے اللہ کے رسول! آپ اللہ تعالیٰ سے میرے لیے شہادت کی دعا فرمائیں۔ آپ نے دونوں دفعہ دعا فرمائی کہ اللہ ہمیں سلامت رکھے اور مال غنیمت سے نوازے۔ چنانچہ دونوں دفعہ ہم سلامت رہے اور مال غنیمت لے کر واپس ہوئے۔ اللہ کے رسول! آپ اللہ سے میرے حق میں شہادت کی دعا فرمائیں۔ آپ ‌صلی ‌اللہ ‌علیہ ‌وآلہ ‌وسلم نے یوں دعا کی: یا اللہ! انہیں سلامت رکھ اور ان کو مال غنیمت سے سرفراز فرما۔ چنانچہ ہم صحیح سلامت رہے اور مال غنیمت لے کر واپس ہوئے۔ میں نے آپ کی خدمت میں حاضر ہو کر عرض کیا: اے اللہ کے رسول! آپ مجھے کسی ایسے کام کا حکم فرمائیں کہ میں جس پر عمل کروں اور اللہ مجھے اس سے نفع پہنچائے۔ آپ ‌صلی ‌اللہ ‌علیہ ‌وآلہ ‌وسلم نے فرمایا: تم روزے رکھا کرو، کوئی عمل روزے کا مقابلہ نہیں کر سکتا۔ رجاء بن حیوہ کہتے ہیں: اس کے بعد سیدنا ابوامامہ ‌رضی ‌اللہ ‌عنہ ، ان کی بیوی اوران کے خادم کو روزے کی حالت ہی میں دیکھا گیا۔ رجاء کہتے ہیں: اگر کبھی دن کے وقت ان کے گھر سے دھواں اٹھتا دکھائی دیتا تو لوگ کہتے کہ ان کے ہاں کوئی مہمان یا ملاقاتی آیا ہو گا، سیدنا ابو امامہ ‌رضی ‌اللہ ‌عنہ کہتے ہیں:جب تک اللہ تعالیٰ کو منظور رہا میں روزوں پر کار بند رہا۔ پھر ایک بار میں نے رسول اللہ ‌صلی ‌اللہ ‌علیہ ‌وآلہ ‌وسلم کی خدمت میں جا کر عرض کیا: اے اللہ کے رسول!آپ نے ہمیں روزے رکھنے کا حکم فرمایاہے، مجھے امید ہے کہ اللہ نے ہمارے لیے اس عمل میں برکت فرمائی ہے، اب آپ ہمیں اس کے علاوہ مزید کسی دوسرے عمل کا حکم بھی فرمائیں۔ آپ ‌صلی ‌اللہ ‌علیہ ‌وآلہ ‌وسلم نے فرمایا: جان لو کہ تم اللہ کی رضا اور خوشنودی کے لیے جو سجدہ کرو گے تو اس کے بدلے میں اللہ تعالیٰ تمہارا ایک درجہ بلند کرے گا اور تمہارا ایک گناہ معاف کر ے گا۔

Hadith in English

.