Hadith in Arabic

۔ (۱۰۵۷۱)۔ عَنِ ابْنِ عَبَّاسٍ قَالَ: لَیْلَۃً أُسْرِیَ بِنَبِیِّ اللّٰہِ ‌صلی ‌اللہ ‌علیہ ‌وآلہ ‌وسلم وَدَخَلَ الْجَنَّۃَ فَسَمِعَ مِنْ جَانِبِھَا وَجْسًا قَالَ: ((یَاجِبْرِیْلُ! مَاھٰذَا؟)) قَالَ: ھٰذَا بِلَالٌ الْمُؤَذِّنُ، فَقَالَ نَبِیُّ اللّٰہِ ‌صلی ‌اللہ ‌علیہ ‌وآلہ ‌وسلم حِیْنَ جَائَ اِلَی النَّاسِ: ((قَدْ أَفْلَحَ بِلَالٌ، رَأَیْتُ لَہُ کَذَا وَکَذَا۔)) قَالَ: فَلَقِیَہُ مُوسٰی ‌صلی ‌اللہ ‌علیہ ‌وآلہ ‌وسلم فَرَحَّبَ بِہٖوَقَالَ: مَرْحَبًابِالنَّبِیِّ الْأُمِّیِّ، قَالَ: فَقَالَ: وَھُوَ رَجُلٌ آدَمُ طَوِیْلٌ سَبْطٌ شَعَرُہُ مَعَ أُذُنَیْہِ أَوَ فَوْقَھُمَا، فَقَالَ: ((مَنْ ھٰذَا؟یَاجِبْرِیْلُ!)) قَالَ: ھٰذَا مُوسٰی عَلَیْہِ السَّلَامُ، قَالَ: فَمَضٰی فَلَقِیَہُ عِیْسٰی فَرَحَّبَ بِہٖوَقَالَ: ((مَنْھٰذَا؟یَاجِبْرِیْلُ!)) قَالَ: ھٰذَا عِیْسٰی، قَالَ: فَمَضٰی فَلَقِیَہُ شَیْخٌ جَلِیْلٌ مَھِیْبٌ فَرَحَّبَ بِہٖوَسَلَّمَعَلَیْہِ وَکُلُّھُمْ یُسَلِّمُ عَلَیْہِ، قَالَ: ((مَنْ ھٰذَا یَا جِبْرِیْلُ؟)) قَالَ: ھٰذَا أَبُوْکَ اِبْرَاھِیْمُ، قَالَ: فَنَظَرَ فِیْ النَّارِ فَاِذَا قَوْمٌ یَأْکُلُوْنَ الْجِیَفَ، فَقَالَ: ((مَنْ ھٰؤُلَائِ یَا جِبْرِیْل؟)) قَالَ: ھٰؤُلَائِ الَّذِیْنَیَأْکُلُوْنَ لُحُوْمَ النَّاسِ، وَرَاٰی رَجُلًا اَحْمَرَ أَزْرَقَ جَعْدًا شَعِثًا اِذَا رَأَیْتَہُ، قَالَ: ((مَنْ ھٰذَا یَا جِبْرِیْلُ؟)) قَالَ: ھٰذَا عَاقِرُ النَّاقِۃِ، قَالَ: فَلَمَّا دَخَلَ النَّبِیُّ ‌صلی ‌اللہ ‌علیہ ‌وآلہ ‌وسلم الْمَسْجِدَ الْأَقْصٰی قَامَ یُصَلِّیْ، فَالْتَفَتَ ثُمَّّ الْتَفَتَ فَاِذَا النَّبِیُّوْنَأَجْمَعُوْنَ یُصَلُّوْنَ مَعَہُ فَلَمَّا انْصَرَفَ جِیْئَ بِقَدَحَیْنِ اَحْدُھُمَا عَنِ الْیَمِیْنِ وَالْآخَرُ عَنِ الشِّمَالِ فِیْ اَحَدِھِمَا لَبَنٌ وَفِیْ الْآخَرِ عَسَلٌ، فَأَخَذَ اللَّبَنَ فَشَرِبَ مِنْہُ، فَقَالَ الَّذِیْ کَانَ مَعَہُ الْقَدَحُ: اَصَبْتَ الْفِطْرَۃَ۔ (مسند احمد: ۲۳۲۴)

Hadith in Urdu

۔ سیدنا عبد اللہ بن عباس ‌رضی ‌اللہ ‌عنہما سے مروی ہے کہ جس رات کو نبی کریم ‌صلی ‌اللہ ‌علیہ ‌وآلہ ‌وسلم کو اسراء کرایا گیا، آپ ‌صلی ‌اللہ ‌علیہ ‌وآلہ ‌وسلم جنت میں داخل ہوئے اور آپ ‌صلی ‌اللہ ‌علیہ ‌وآلہ ‌وسلم نے اس کی ایک طرف سے ہلکی سی آواز سنی، آپ ‌صلی ‌اللہ ‌علیہ ‌وآلہ ‌وسلم نے پوچھا: اے جبریل! یہ آواز کون سی ہے؟ انھوں نے کہا: یہ بلال مؤذن ہے، پھر جب آپ ‌صلی ‌اللہ ‌علیہ ‌وآلہ ‌وسلم لوگوں کے پاس آئے تو آپ ‌صلی ‌اللہ ‌علیہ ‌وآلہ ‌وسلم نے فرمایا: تحقیق بلال کامیاب ہو گیا ہے،میں نے اس کے لیےیہ کچھ دیکھا ہے۔ اُدھر سفرِ معراج میں موسی علیہ السلام آپ کو ملے اور اُمّی نبی کو مرحبا کہا، آپ ‌صلی ‌اللہ ‌علیہ ‌وآلہ ‌وسلم نے فرمایا: وہ گندمی رنگ کے دراز قد آدمیتھے، ان کے بال سیدھے تھے اور کانوں تک یا کانوں سے اوپر تک آ رہے تھے،پھر آپ ‌صلی ‌اللہ ‌علیہ ‌وآلہ ‌وسلم نے فرمایا: اے جبریل! یہ کون ہے؟ انھوں نے کہا: یہ حضرت موسی علیہ السلام ہیں، پھر آپ آگے چلے اور عیسی علیہ السلام آپ کو ملے اور مرحبا کہا، آپ ‌صلی ‌اللہ ‌علیہ ‌وآلہ ‌وسلم نے فرمایا: اے جبریل! یہ کون ہے؟ انھوں نے کہا: یہ عیسی علیہ السلام ہیں، پھر آگے چلے اور ایک بزرگ آپ ‌صلی ‌اللہ ‌علیہ ‌وآلہ ‌وسلم کو ملے، وہ بڑے جلال اور ہیبت والے تھے، انھوں نے بھی آپ ‌صلی ‌اللہ ‌علیہ ‌وآلہ ‌وسلم کو مرحبا کہا اور آپ کو سلام کہا، بلکہ تمام نے آپ ‌صلی ‌اللہ ‌علیہ ‌وآلہ ‌وسلم کو سلام کہا تھا، آپ ‌صلی ‌اللہ ‌علیہ ‌وآلہ ‌وسلم نے پوچھا: اے جبریل! یہ کون ہے؟ انھوں نے کہا: یہ آپ کے باپ ابراہیم علیہ السلام ہیں، پھر جب آپ ‌صلی ‌اللہ ‌علیہ ‌وآلہ ‌وسلم نے آگ میں دیکھا تو کچھ لوگوں کو مردہ لاشیں کھاتے ہوئے پایا اور پوچھا: اے جبریل! یہ کون لوگ ہیں؟ انھوں نے کہا: یہ وہ لو ہیں جو لوگوں کا گوشت کھاتے تھے، یعنی ان کی غیبت کرتے تھے، پھر آپ ‌صلی ‌اللہ ‌علیہ ‌وآلہ ‌وسلم نے ایکاور شخص دیکھا، وہ سرخ رنگ کا تھا، اس کی آنکھیں نیلی تھیں، وہ کوتاہ قد تھا اور اس کے بال پراگندہ تھے، آپ ‌صلی ‌اللہ ‌علیہ ‌وآلہ ‌وسلم نے پوچھا : جبریل! یہ کو ن ہے؟ انھوں نے کہا: یہ اونٹنی کی کونچیں کاٹنے والا ہے۔ جب آپ ‌صلی ‌اللہ ‌علیہ ‌وآلہ ‌وسلم مسجد ِ اقصی میں داخل ہوئے تو آپ ‌صلی ‌اللہ ‌علیہ ‌وآلہ ‌وسلم کھڑے ہو کر نماز ادا کرنے لگے، پس جب متوجہ ہوئے اور پھر متوجہ ہوئے تو دیکھا کہ سارے کے سارے انبیائے کرام آپ ‌صلی ‌اللہ ‌علیہ ‌وآلہ ‌وسلم کے ساتھ نماز ادا کر رہے تھے، جب آپ ‌صلی ‌اللہ ‌علیہ ‌وآلہ ‌وسلم نماز سے فارغ ہوئے تو آپ ‌صلی ‌اللہ ‌علیہ ‌وآلہ ‌وسلم کے پاس دو پیالے لائے گئے، ایک دائیں طرف سے اور ایک بائیں طرف سے، ایک میں دودھ تھا اور دوسرے میں شہد تھا، پس آپ ‌صلی ‌اللہ ‌علیہ ‌وآلہ ‌وسلم نے دودھ لے کر اس کو پی لیا، جس فرشتے کے پاس پیالہ تھا، اس نے کہا: تو نے فطرت کو اختیار کیا ہے۔

Hadith in English

.