پاکستان سمیت دنیا بھر میں آج غلامی کے خاتمے کا عالمی دن منایا گیا

*- پاکستان سمیت دنیا بھر میں آج غلامی کے خاتمے کا عالمی دن منایا گیا*

آج پاکستان سمیت دنیا بھر میں غلامی کے خاتمے کا عالمی دن منایا گیا اور اس دن کا بنیادی مقصد انسانیت کی آزادی کا شعور متعارف کروانا ہے۔

انسانی قدروں کی اہمیت اوراحساس کے حوالے سے اس دن کوخاص اہمیت حاصل ہے، اس دن کو منانے کا مقصد انسانی اسمگلنگ، بچیوں کی جبری شادی، چائلڈ لیبرکی بدترین شکلیں اورجنسی استحصال جیسے سنگین جرائم کے خاتمے کیلئے اقدامات کرنا ہے۔ غلامی ایک قصہ پارینہ نہیں بلکہ دور حاضر میں بھی انسانوں کی بڑی تعداد زنجیروں میں جکڑی ہوئی ہے۔

جبری مشقت، زبردستی کی شادیاں اورانسانی اسمگلنگ جیسے گھناؤنے جرائم آج غلامی کے زمرے میں آتے ہیں، انٹرنیشنل لیبر آرگنائزیشن کے مطابق دنیا بھر میں چار کروڑ سے زائد افراد غلامی کا شکار ہیں، ان میں سے تقریباً ڈھائی کروڑ کو جبری مشقت اور ڈیڑھ کروڑ کو زبردستی شادیوں کا سامنا ہے۔...