جعلی پیرنی کے کہنے پر گھر کھود دیا

راتوں رات بے پناہ دولت کمانے کی حرص نے کراچی کے علاقے ڈالمیا کے شہری کو اندھا بنادیا۔ 

ڈالمیا کے رہائشی طارق کا کہنا ہے کہ ان کے برادر نسبتی نے گھر میں زیر زمین خزانہ چھپے ہونے کا خواب دیکھ کر انہیں آگاہ کیا تھا۔

جس پر طارق نے پیرنی سے رابطہ کیا جنہوں نے گھر میں کھدائی کے مقام کی نشاندہی کرتے ہوئے آدھا خزانہ خود لینے کی شرط عائد کی تھی۔

ڈالمیا کے رہائشی طارق نواز قطر میں کچھ برس ملازمت کرکے پاکستان واپس آئے ہیں اور انہوں نے پیرنی کے مشورے کے بعد گھر میں کھدائی شروع کروائی۔

زیر حراست مبینہ پیرنی نے دعویٰ کیا ہے کہ اس سے پہلے بھی مکان کی کھدائی کے دوران مٹی سے بھری پتیلیاں ملی تھیں اسی لیے دوبارہ کوشش کی۔

اس حوالے سے سپرنڈنٹنڈنٹ پولیس (ایس پی) گلشن ٹاؤن طاہر احمد نورانی کا کہنا ہے کہ جعلی پیرنی سمیت دیگر افراد گزشتہ 20 روز سے مکان کی کھدائی کررہے تھے اور اب تک خزانے کی تلاش میں 35 فٹ تک کھدائی کی جاچکی ہے۔

مشکوک کھدائی کی اطلاع ملتی ہی پولیس متحرک ہوگئی اور کھدائی کے مقام سے پیرنی، اس کے شوہر، مرید اور 8 مزدوروں کو حراست میں لے لیا۔ 

انہوں نے بتایا کہ پیرنی بلدیہ کی رہائشی ہیں،پیرنی کے کہنے پر ہی مالک مکان نے گھر میں کھدائی شروع کروائی۔

زیر حراست مبینہ پیرنی نے دعویٰ کیا ہے کہ اس سے پہلے بھی مکان کی کھدائی کے دوران مٹی سے بھری پتیلیاں ملی تھیں اسی لیے دوبارہ کوشش کی۔

اس حوالے سے سپرنڈنٹنڈنٹ پولیس (ایس پی) گلشن ٹاؤن طاہر احمد نورانی کا کہنا ہے کہ جعلی پیرنی سمیت دیگر افراد گزشتہ 20 روز سے مکان کی کھدائی کررہے تھے اور اب تک خزانے کی تلاش میں 35 فٹ تک کھدائی کی جاچکی ہے۔

ایس پی گلشن نے بتایا کہ خزانے کی تلاش میں گھر میں کھدائی میں مصروف مالک مکان،جعلی پیرنی اور 8 مزدوروں کو گرفتار کرلیا گیا ہے۔

انہوں نے بتایا کہ پیرنی بلدیہ کی رہائشی ہیں،پیرنی کے کہنے پر ہی مالک مکان نے گھر میں کھدائی شروع کروائی

پولیس نے بتایاکہ واقعہ مشکوک ہے اور گرفتار افراد سے تحقیقات کی جارہی ہیں۔

جہاں کھڈا کھودا گیا وہاں سے حساس اداروں کے دفاتر بھی قریب ہیں، ایس پی گلشن

دوسری جانب ایس پی گلشن کا کہنا ہے کہ اطلاع ملی کے کچھ لوگ کافی دن سے کھڈا کھود رہے ہیں، ہماری ٹیم گئی تو گھر کے اندر مشکوک گڑھا دیکھا۔

ان کا کہنا تھا کہ گھر کے مالک طاہر نے بتایا کہ سالے کے کہنے پر کھڈا کھودا کیوں کہ خواب میں آیا کہ یہاں خزانہ ہے۔

انہوں نے کہا کہ پیرنی خاتون کے کہنے پر کھدائی شروع کی گئی تھی اور جہاں کھڈا کھودا گیا وہاں سے حساس اداروں کے دفاتر بھی قریب ہیں، نیشنل اسٹڈیم اس جگہ سے ایک سے ڈیڑھ کلومیٹر دور ہے۔

ایس پی گلشن کے مطابق پیرنی خاتون کے شوہر کو بھی گرفتار کرلیا گیا ہے اور 11 ملزمان کو مجموعی طور پر گرفتار کیا گیا ہے۔