آفتابِ مبیں محمد ہیں

آفتابِ مبیں محمد ہیں

ماہ تابِ حسیں محمد ہیں

وہ کسی اور کے نہیں طالب

دل میں جن کے مکیں محمد ہیں

اسوہ جن کا نجات کا باعث

وہ کوئی اور نہیں محمد ہیں

دل کو دل سے ملانے آپ آئے

دل ربا دل نشیں محمد ہیں

زندگی کیوں نہ ہو نثار ان پر

زندگی سے حسیں محمد ہیں

روشنی سب انہی سے پاتے ہیں

جن دلوں کے نگیں محمد ہیں

اے خدا اب حیات کا مقصد

اور کچھ بھی نہیں محمد ہیں

Aaftab e mubeen Muhammad hain

.