ذِکرِ سرکارؐ ہر زباں پر ہے

ذِکرِ سرکارؐ ہر زباں پر ہے

نگہِ سرکارؐ ہر جہاں پر ہے



اُنؐ کا سایا ہے سب زمانوں پر

نقشِ پا اُنؐ کا آسماں پر ہے



اُنؐ کی رحمت ہے عالمیں کے لیے

اُنؐ کا احسان ہر زماں پر ہے



جھولیاں سب کی بھرتی جاتی ہیں

ایک میلہ سا آستاں پر ہے



جس جگہ اُنؐ کا نقشِ پا دیکھا

میں نے سر رکھ دیا وہاں پر ہے



میں نے تاریخ چھان ڈالی ہے

آپؐ جیسا کوئی کہاں پر ہے



تُجھ سا خوش بخت کون ہو گا ظفرؔ!

اُنؐ کا سایا ترے مکاں پر ہے

zikr e Sarkaar har zubaan pr hai

.