ذِکرِ سرکارؐ آؤ عام کریں

ذِکرِ سرکارؐ آؤ عام کریں

تشنہ کاموں کو شاد کام کریں



ذِکرِ خیر البشرؐ عبادت ہے

آپؐ کا ذِکر صبح و شام کریں



حمد و نعت و ثنا، درُود و سلام

یہ عمل روز و شب مدام کریں



آپؐ قدموں میں بھی بُلا لیں گے

ہم سفر کا تو اہتمام کریں



سر نِگوں، سر بلند ہو جائیں

اُنؐ کے قدموں میں گر قیام کریں



چل کے آئے جو اُنؐ کی گلیوں میں

آؤ چل کر اُنھیں سلام کریں



اس سے پہلے کہ موت آئے ظفرؔ

زیست اپنے نبیؐ کے نام کریں

zikr e Sarkaar saww aao aam kryn

.