یہی ہے عشق و مستی کا قرینہ

یہی ہے عشق و مستی کا قرینہ

رہے پیشِ نظر ہر دم مدینہ



جھُکا ہے سر نبیؐ کے آستاں پر

خُداوندا یہ سر اُٹھے کبھی نہ



زمانے بھر کی خوشبوؤں سے بڑھ کر

ہے اُنؐ کے جسمِ اطہر کا پسینہ



فروزاں جس سے ہیں سارے زمانے

مرے آقاؐ وہ تابندہ نگینہ



مرے سرکارؐ جس کے نا خُدا ہوں

وہ کیوں پہنچے نہ ساحل تک سفینہ



خطاکار آئے ہوں گے اُنؐ کے در پہ

نہ ہو گا کوئی بھی مُجھ سا کمینہ



تونگر ہوں نہاں سینے میں میرے

ظفرؔ عشقِ نبیؐ کا ہے خزینہ

yehi hai ishaq o masti qarina

.