وہی اللہ کے پیغام بر ہیں

وہی اللہ کے پیغام بر ہیں

وہی سب رہبروں کے راہبر ہیں



وہی تو رحمۃ اللعالمیںؐ ہیں

زماں سارے اُنھیؐ سے بہرہ ور ہیں



وہی شمعِ فروزاں ظلمتوں میں

اُنھیؐ کے نور سے روشن نگر ہیں



وہی مردہ دِلوں کے ہیں مسیحا

وہی بے چارگاں کے چارہ گر ہیں



وہی ہیں بے سہاروں کا سہارا

وہی شاہِ شہاں ہیں، تاجور ہیں



وہی جُود و سخا کا اِک سمندر

گدا جن کے بنے گنجِ شکر ہیں



سواری جائے آقاؐ کی جدھر بھی

ظفرؔ بھی ساتھ ہی گردِ سفر ہیں

wohi Allah ky pygham bar hein

.