وہ چہرۂ دلکش صلِّ علیٰ وہ سیرتِ اقدس کیا کہنا

وہ چہرۂ دلکش صلِّ علیٰ وہ سیرتِ اقدس کیا کہنا
دیکھے جو کوئی رخ یا سیرت دیکھا ہی کرے بس کیا کہنا

ہر بات جو ان کے منہ کی ہے خود دل میں جگہ کر لیتی ہے
الفاظ مرصع سب کے سب با توں میں گھلا رس کیا کہنا

صحبت میں نبی اکرمؐ کے انسان بنے کندن لاکھوں
کندن پہ ہی کیا موقوف اکثر خود بن گئے پارس کیا کہنا

اللہ کی بخشش کا عالم محبوبِ خدا کی نسبت سے
اک بار درود ان پر جو پڑھے تو اجر ملے دس کیا کہنا

ہر ایک مسافر چل چل کر پہنچے جو سوادِ طیبہ میں
سر مست ہو دل، پُر شوق نگہ، پر جوش ہو نس نس کیا کہنا

کیا بات ہے ارضِ طیبہ کی کس درجہ کشش پنہاں ہے نظرؔ
ہر زائر خواہش رکھتا ہے گھر جائے نہ واپس کیا کہنا

wo chehra e dilkash salle alaa wo seerat e aqdas kya kehna

.