واہ کیا جلوہ ء اعجاز تھا جانا آنا

واہ کیا جلوہ ء اعجاز تھا جانا آنا
شبِ اسرا میں عجب راز تھا جانا آنا

دیکھ اس جلوہء رفتار کو حیراں تھے مَلک
حیرتِ دیدہ ء پرواز تھا جانا آنا

عرش و کرسی سے گئے دور کروڑں منزل
کیا ہی ممتاز سرافراز تھا جانا آنا

ساعتِ چند میں دیکھو تو کہاں تک پہنچے
حق کے محبوب ﷺ کا اک ناز تھا جانا آنا

ایسی معراج بھلا کس کو ملی ہے کافی
دلربائی میں اِک انداز تھا جانا آنا

wah kiya jalwa ؑ aijaz tha jana aana

.