شاہدِ کبریا ہیں چارہ ساز

شاہدِ کبریا ہیں چارہ ساز​
اے غمِ عشق تیری عمر دراز​
​
ذکرِ معراجِ مصطفےٰؐ کی قسم​
عرش تک ہے خیال کی پرواز​
​
اللہ اللہ حریمِ عرش نورد​
کوکب و مہر و مہ ہیں پا انداز​
​
آپ بستے ہیں میری آنکھوں میں​
آپ ہیں بزمِ دل میں جلوہ طراز​
​
آپ کے غم پہ جان دیتا ہوں​
ہے یہی میری زندگی کا راز​
​
آپ محمود ہیں محمدؐ ہیں ​
آپ کی مدح ہے متاعِ ایاز​
​
ہمہ تن درد بن گیا ہے ایاز​
اک نظر اے جہاں کے چارہ ساز​
​

shahid e kibriya hain chara saaz

.