روشن ہیں دو جہاں میں بدرالدجی کے ہاتھ

روشن ہیں دو جہاں میں بدرالدجی کے ہاتھ
پھیلے ہیں کائنات پہ خیرالوریٰ کے ہاتھ

فاراں کی وادیوں میں جہاں بھر کی ہے شفا
اک منبع شفا ہیں میرے مصطفیٰ ﷺ کے ہاتھ

میری سبھی امیدوں کا محور تو آپ ﷺ ہیں
ہاتھوں میں آپ کے یا نبی ﷺ ہیں خدا کے ہاتھ

میرا شمار ان کے غلاموں میں ہوگیا
“د یکھے تو مجھ کو نار جہنم لگا کر ہاتھ “

امت کی دو جہاں میں بخشش کے واسطے
اٹھے رہے ہمیشہ شہ دوسرا کے ہاتھ

مدحت اگر نہ لکھ سکیں میرے حضور ﷺ کی
جی چاہتا ہے پھینک دوں ایسے کٹا کے ہاتھ

اس مختصر حیات میں میری طلب رہی
مانگوں در رسول ﷺ میں بھی اٹھا کے ہاتھ

اوصاف کی بھی نعت کو آقاؐ کریں قبول
ہر روز بھیجتا ہوں صدائیں صبا کے ہاتھ

roshan hain do jehaan mein badr ul daji ky haath

.