پیا پے ڈھونڈنے سے کب ملا ہے

یا پے ڈھونڈنے سے کب ملا ہے

دیا سب کچھ خُدا نے اُنؐ کا صدقہ



درِ سرکارؐ سے ہی سب ملا ہے

ہے جو چاہا وہی اس در سے پایا



ہے جو مانگا وہ روز و شب ملا ہے

نظارہ فرش پر عرشِ بریں کا



مدینے جب گیا میں تب ملا ہے

خُدا کی بندگی، چاہت نبیؐ کی



سلیقہ بندگی کا اب ملا ہے

خُدا و مصطفیؐ کا ذِکر باہم



ملا ہے، اسمِ اعظم جب ملا ہے

خُدا سے مانگتا ہے عشقِ احمدؐ



ظفرؔ کو مانگنے کا ڈھب ملا ہے

piya py dhoondny sy kab mila hai

.