نظر میں کعبہ بسا ہوا ہے مدینہ دل کی کتاب میں ہے

نظر میں کعبہ بسا ہوا ہے مدینہ دل کی کتاب میں ہے
میں رات دن پڑھ رہا ہوں اس کو جو زندگی کے نصاب میں ہے

نفاذ حق میں یہ دیر کیسی حضورﷺ کی اتباع کر لو
نظام دیں کا تو ذکر ساری خدا کی اپنی کتاب میں ہے

وہ نور جس سے ہوا منور تمام عالم کا گوشہ گوشہ
اسی سے ہے آفتاب روشن وہ مصحف ماہتاب میں ہے

حضورﷺ کی زلف عنبریں سے مہک رہا ہے تمام عالم
نہ ہے چمبیلی میں ایسی نکہت نا ایسی خوشبو گلاب میں ہے

ملی جسے خاک پائے احمدﷺ چمک گئی سمجھو اس کی قسمت
بھلا ہو کیوں اس کو خوف محشر جو آپ ﷺ کے انتخاب میں ہے

گنہ کی گٹھڑی لدی ہے سر پر لرز رہا ہے بدن بھی تھر تھر
نبی ﷺ کا صدقہ، خدا کرم کر، یہ تیرا بندہ عذاب میں ہے

nazar mein kabah basa hua hy madinah dill ki kitaab mein hai

.