مصطفیٰؐ کی نگاہ کرم جب ہوئی مجھ گنہگار کو کیا سے کیا کر دیا

مصطفیٰؐ کی نگاہ کرم جب ہوئی مجھ گنہگار کو کیا سے کیا کر دیا
مجھ کو دربار میں اپنے بلوا لیا میرا تاریک دل پر ضیا کر دیا

اپنے معبود کو میں نے جب بھی دیا واسطہ اس کے محبوب ذی شان کا
تھی جو دل میں تمنا وہ پوری ہوئی پورا ہر اک مدعا کر دیا

جب تصور شفاعت کا ان کا کیا محو دل سے ہوا خوف روز اجر
مبتلائے غم حشر پر کیا کرم تونے اے رحمت مصطفیٰؐ کر دیا

دیکھ کر اس کو شاہوں کے سر جھک گئے اس کے ادنیٰ غلاموں میں شامل ہوئے
حکمراں بادشاہوں پہ سرکار ﷺ نے اپنے کوچے کا ہر اک گدا کر دیا

آج تک ساری دنیا میں ایسا غنی کوئی پیدا ہوا ہے نہ ہو گا کبھی
دولت فقر و فخری عطا کی جسے پھر اسے سرور اغنیاء کر دیا

دو جہانوں کی رحمت بنا کر انہیں اے ریاضؔ حق نے بھیجا بڑی شان سے
حشر میں دے کے ان کو شفاعت کا حق عاصیوں کا بڑا آسرا کر دیا

Mustafa saww ki nigah e karam jab hui mujh gunahgaar ko kya se kya kr diya

.