منور صبح ہوگی روضہ خیر الوریٰ ہو گا

منور صبح ہوگی روضہ خیر الوریٰ ہو گا
زبان شوق پر صل علیٰ صل علیٰ ہو گا

جمال گنبد خضریٰ ضر صدقے ہو گا دل اپنا
مٹیں گے فاصلے دل ہو گا باب حسن وا ہو گا

سہارا دے گی رحمت آپ کی خود اپنے مجرم کو
گناہوں کے تصور سے جہاں دل ڈوبتا ہو گا

برستی ہوں گی آنکھیں جرم عصیاں کے تصور سے
زباں خاموش ہو گی دل سراپا مدعا ہو گا

احد ارض امانت دار شہدائے محبت ہے
دل دیوانہ اس کے ذرے ذرے پر فدا ہو گا

وہ مسجد جس کی بنیادیں امین راز تقویٰ ہیں
اسی میں مجھ سا عصیاں کوش سجدے میں پڑا ہو گا

پڑا بیمار ہو گا روضہ جان مسیحا پر
وفور درد ہو گا اور وہ درد آشنا ہو گا

جبین شوق لذت یاب کیف بندگی ہو گی
وہیں سجدے ادا ہوں گے جہاں پہ نقش پا ہو گا

نفس گم کردہ حاضر ہوں جہاں پر طائر سدرہ
وہاں پر کس طرح حاضر قمرؔ سا پر خطا ہو گا

munawar subha hogi roza e khair ul waraa ho ga

.