محمدؐ آپؐ کا ہے نامِ نامی

محمدؐ آپؐ کا ہے نامِ نامی

ہے احمدؐ آپؐ کا اسمِ گرامی



ادب ہے بس تقاضائے محبت

محبت بس، محمدؐ کی غلامی



کھڑے ہیں دم کشیدہ سر خمیدہ

درِ سرکارؐ پر رومیؒ و جامیؒ



جنیدؒ و بایزیدؒ آئے ادب سے

درِ سرکارؐ پر دینے سلامی



ملائک جن و انساں سر بسر ہیں

مری سرکارؐ کے خادم تمامی



کلام اُنؐ کی ثناء کا لکھ رہا ہوں

ہے جن کی خود خُدا سے ہم کلامی



بھنور میں جب پھنسی اُمت کی کشتی

ظفرؔ! سرکارؐ نے فی الفور تھامی

Muhammad saww ka naam e naami

.