معجزہ ہے آیہء والنجم کی تفسیر کا ​

معجزہ ہے آیہء والنجم کی تفسیر کا ​
ایک ایک نقطہ ستارہ ہے مری تحریر کا ​
​
آپؐ کی نسبت ہے مجھ کو باعثِ عزّو شرف​
آپ کی مدحت وسیلہ ہے مری توقیر کا ​
​
کس طرح گزریں گے یہ دوری کے روز و شب حضور​
صبح کرنا شام کا لانا ہے جوئے شیر کا​
​
کب مجھے بلوائیں گے آقاؐ حریمِ قدس میں ​
خوابِ ہستی منتظر ہے جلوہء تعبیر کا​
​
آہِ غم دل سے اٹھی اور بابِ رحمت کھل گیا​
میں نے دیکھا ہے یہ منظر آہ کی تاثیر کا​
​
جنتِ خوابِ تمنا ہے مدینے کا خیال ​
شہرِ رنگ و بو علاقہ ہے مری جاگیر کا​
​
خاک ہوکر راہِ طیبہ میں بکھر جاؤں ایاز ​
یہ حسیں رخ ہے مری تخریب میں تعمیر کا​
​

moajza hai ayah e walnajam ki tafseer ka

.