ملا ہے جب سے پروانہ محمد ﷺ کی گدائی کا​

ملا ہے جب سے پروانہ محمد ﷺ کی گدائی کا​
دو عالَم اک علاقہ ہے مری کشور کشائی کا​
​
خدا کی بندگی کرتا ہوں میں اُن کے وسیلے سے​
درِ سرکار آئینہ ہے عرشِ کبریائی کا ​
​
مری جانب سے اے موجِ صبا آقا سے کہہ دینا​
"کہ حسرت سنج ہوں عرضِ ستم ہائے جدائی کا "​
​
مرے عجزِ سخن پر اُنکی رحمت ناز کرتی ہے​
کہ حرفِ جاں حوالہ بن گیا مدحت سرائی کا​
​
ہزاروں سال پہلے آپ عرشِ نور تک پہنچے​
ہمیں تو اب خیا ل آیا ہے تسخیرِ خلائی کا​
​
محبت کار فرما فرش سے عرشِ علیٰ تک ہے​
حبیبِ کبریا، محبوب ہے ساری خدائی کا​
​
مری کیا خامہ فرسائی، ایاز اُنکی عنایت ہے​
کہ اک عاجز کو حاصل ہے شرف مدحت سرائی کا​
​

mila hai jab se parwana Muhammad saww ki gadaai ka

.